އައިއެލްޓީއެމް ކާންސް 2024 ގައި ރާއްޖެ އިޝްތިހާރުކުރަނީ

މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން އިންޓަނޭޝަނަލް ލަގްޒަރީ ޓްރެވަލް މާކެޓް (އައިއެލްޓީއެމް) ގެ ފްލޭގްޝިޕް ޝޯ، އައިއެލްޓީއެމް ކާންސް 2024 ގައި ބައިވެރިވެ ދިވެހިރާއްޖެ އިޝްތިހާރުކުރަން ފަށައިފިއެވެ.

މި މަހުގެ 2 އިން 5 އަށް ފްރާންސްގައި ކުރިއަށްދާ މި ހަރަކާތުގައި ދިވެހިރާއްޖޭގެ ފަތުރުވެރިކަމުގެ ސިނާއަތުގެ 67 ކުންފުންޏެއްގެ 120 މަންދޫބުން ބައިވެރިވެ، އެ ކުންފުނިތަކުގެ ތަފާތު މަތީފަންތީގެ އުފެއްދުންތަކާއި ޚިދުމަތްތައް އިޝްތިހާރުކުރަމުންދާ ކަމަށް އެމްއެމްޕީއާރުސީން މަޢުލޫމާތު ދީފައިވެއެވެ.

އައިއެލްޓީއެމް ކާންސް 2024 އަކީ ފްރާންސްގައި ބާއްވާ ޓްރެވަލް ޓްރޭޑް ފެއަރތަކުގެ ތެރެއިން ދުނިޔޭގެ އެންމެ ބޮޑު އެއް ލަގްޒަރީ ޓްރެވަލް ފެއަރ ކަމަށްވާއިރު، މި ހަރަކާތުގެ ސަބަބުން ބައިނަލްއަޤްވާމީ މާކެޓްތަކުގެ ތެރެއިން ފްރާންސްގެ އިތުރުން އެހެން މާކެޓްތަކުގެ ލަގްޒަރީ ޓްރެވަލް ޓްރޭޑް މެންބަރުންނާ ބައްދަލުކުރުމަށް އަގުހުރި ފުރުސަތުތަކެއް ލިބޭނެ ކަމަށް އެމްއެމްޕީއާރުސީން ފާހަގަކޮށްފައިވެއެވެ.

ދިވެހިރާއްޖެއަކީ ތަފާތު މަތީފަންތީގެ ފަތުރުވެރިކަމުގެ ތަޖުރިބާތަކާއި އުފެއްދުންތަކާއި ޚިދުމަތްތައް ފޯރުކޮށްދޭ، ދުނިޔޭގެ ފެންވަރުގައި ލަގްޒަރީ މަންޒިލެއްގެ ގޮތުގައި އެންމެ މަޝްހޫރު އެއް ޤައުމު ކަމަށްވާއިރު، އައިއެލްޓީއެމް ކާންސް 2024 ގައި އެމްއެމްޕީއާރުސީން ބައިވެރިވުމުގެ މަޤްޞަދަކީ ދިވެހިރާއްޖޭގެ މަތީ ފަންތީގެ ފަތުރުވެރިކަން ވަރުގަދަކޮށް، ލިބެންހުރި ތަޖުރިބާތައް ދައްކާލުން ކަމުގައި އެ ކުންފުނިން ބުނެފައިވެއެވެ.

މި ފެއަރގައި ރާއްޖޭގެ ސްޓޭންޑް ފަރުމާކުރެވިފައިވަނީ ރާއްޖޭގެ ލަގްޒަރީ ފަތުރުވެރިކަމުގެ ސިފަތަކާއެކު ކަމަށާއި، ދިވެހިރާއްޖޭގެ ރިސޯޓުތަކާއި ލިވަބޯޑުތައް އަދި ޔުނީކް ޖިއޮގްރަފީ ހިމެނޭގޮތަށް ފަރުމާކޮށްފައިވާ ރާއްޖޭގެ ސްޓޭންޑުން ލަގްޒަރީ އުފެއްދުންތަކާއި ތަޖުރިބާތައް ވަރަށް ފުރިހަމައަށް ދައްކުވައިދޭނެ ކަމަށް އެމްއެމްޕީއާރުސީން ވިދާޅުވެފައިވެއެވެ.

Bonjour à tous!
The Sunny Side of Life is in Cannes! Visit Maldives is having an incredible time in ILTM Cannes 2024, showcasing the luxury experiences to our French Travel Trade! #VisitMaldives #SunnySideofLife pic.twitter.com/a2ygZ9KrSa

— Maldives Marketing & Public Relations Corporation (@mmprc_corporate) December 4, 2024