ރާއްޖޭގެ ކުރީގެ ރައީސުން ޤައުމީ ދުވަހުގެ ތަހުނިޔާ ފޮނުއްވަވައިފި

މިއަދު ފާހަގަކުރަމުންދާ ރާއްޖޭގެ ފަޚުރުވެރި ޤައުމީ ދުވަހުގެ މުނާސަބަތުގައި ރާއްޖޭގެ ކުރީގެ ރައީސްކަން ކުރައްވާފައިވާ ބޭފުޅުންގެ އިތުރުން ދައުލަތުގެ އިސް ބޭފުޅުން ދިވެހި އެންމެހާ ރައްޔިތުންނަށް ތަހުނިޔާއާއި ހެޔޮއެދުންތައް ފޮނުއްވައިފިއެވެ.

ޤައުމީ ދުވަހުގެ މުނާސަބަތުގައި ކުރީގެ ރައީސް އަލްއުސްތާޛު މައުމޫން އަބްދުލްޤައްޔޫމް ސޯޝަލް މީޑިއާގައި ހިއްސާކުރެއްވި މެސެޖެއްގައި ވިދާޅުވީ، ދިވެހިރާއްޖޭގެ ފަޚުރުވެރި ޤައުމީ ދުވަހުގެ އިޚްލާޞްތެރި ހެޔޮ އެދުންތައް އެންމެހާ ލޮބުވެތި ދިވެހި ރައްޔިތުންނަށް ދަންނަވަނީ ނުހަނު އުފަލާއެކު ކަމަށެވެ.

ދިވެހި ރާއްޖޭގެ ފަޚުރުވެރި ޤައުމީ ދުވަހުގެ އިޚްލާޞްތެރި ހެޔޮ އެދުންތައް އެންމެހާ ލޮބުވެތި ދިވެހި ރައްޔިތުންނަށް މިދަންނަވަނީ ނުހަނު އުފަލާއެކު.

— Maumoon Abdul Gayoom (@maumoonagayoom) August 13, 2026

މީގެއިތުރުން، ކުރީގެ ރައީސް އިބްރާހިމް މުހައްމަދު ޞާލިހުވެސް ވަނީ ޤައުމީ ދުވަހުގެ މުނާސަބަތުގައި ދިވެހި ރައްޔިތުންނަށް ހެޔޮއެދުންތައް އަރިސްކުރައްވާފައެވެ. އެމަނިކުފާނު ވިދާޅުވީ "ހަގީގީ ޤައުމިއްޔަތަކީ ޤައުމުގެ ސިޔާދަތާއި، ރައްޔިތުންގެ ޙައްޤުތަކާއި މިނިވަންކަމާއި، ދީމުޤްރާތީ ހަމަތައް އަންނަން އޮތް ޖީލުތަކަށް ރައްކާތެރިކޮށް ދެމެހެއްޓުން" ކަމަށެވެ.

ޤައުމީ ދުވަހުގެ މުނާސަބަތުގައި އެންމެހާ ދިވެހިރައްޔިތުންނަށް އިޚްލާޞްތެރި ހެޔޮއެދުންތައް އަރިސްކުރަން!

ހަގީގީ ޤައުމިއްޔަތަކީ ޤައުމުގެ ސިޔާދަތާއި، ރައްޔިތުންގެ ޙައްޤުތަކާއި މިނިވަންކަމާއި، ދީމުޤްރާތީ ހަމަތައް އަންނަން އޮތް ޖީލުތަކަށް ރައްކާތެރިކޮށް ދެމެހެއްޓުމެވެ.

— Ibrahim Mohamed Solih (@ibusolih) August 14, 2026

Dhivehi Raajjeyge ufaaveri, fakhuruveri Qaumee dhuvahuge thahuniyaa enme beyfulhunnah rahdhukuran.

— Mohamed Nasheed (@MohamedNasheed) August 14, 2026

ރައީސް ޞާލިހުގެ އިތުރުން، ކުރީގެ ރައީސް މުހައްމަދު ނަޝީދުވެސް ވަނީ ސޯޝަލް މީޑިއާ މެދުވެރިކޮށް ދިވެހިރާއްޖޭގެ އުފާވެރި، ފަޚުރުވެރި ޤައުމީ ދުވަހުގެ ތަހުނިޔާ އެންމެހާ ބޭފުޅުންނަށް ރައްދުކުރައްވާފައެވެ.

ކުރީގެ ރައީސުންގެ އިތުރުން، ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲވެސް ވަނީ ޤައުމީ ދުވަހުގެ މުނާސަބަތުގައި އިޚްލާޞްތެރި ހެޔޮއެދުމާއި ތަހުނިޔާ ލޮބުވެތި ދިވެހި އެންމެހައި ރައްޔިތުންނަށް އަރިސްކުރައްވާފައެވެ.