ޤައުމީ ދުވަހުގެ ތަހުނިޔާ ކުރީގެ ރައީސް މައުމޫން ފޮނުއްވައިފި!

ކުރީގެ ރައީސްް މައުމޫން ޢަބްދުލް ޤައްޔޫމް މިއަދު ފާހަގަކުރާ ޤައުމީ ދުވަހުގެ ތަހުނިޔާ ފޮނިއްވައިފިއެވެ.

އެކްސްގައި އެމަނިކުފާނު ކުރެއްވެވި ޕޯސްޓެއްގައި ވިދާޅުވީ ދިވެހިރާއްޖޭގެ ފަޚުރުވެރި މާޒީގައި ޤައުމަށްޓަކައި ޖިހާދު ކުރެއްވި އަގުހުރި އަބްޠާލުންގެ ފުރާނަފުޅަށް މާތް ﷲ ހެޔޮރަޙްމަތް ލެއްވުން އެދި ދުޢާކުރަމުން މިއުފާވެރި ޤައުމީދުވަހުގެ މުބާރަކްބާދީ ލޮބުވެތި އެންމެހާ ދިވެހި ރައްޔިތުންނަށް ފޮނުއްވާ ކަމަށެވެ.

ދިވެހި ރާއްޖޭގެ ފަޚުރުވެރި މާޒީގައި ޤައުމަށްޓަކައި ޖިހާދު ކުރެއްވި އަގުހުރި އަބްޠާލުންގެ ފުރާނަފުޅަށް މާތް ﷲ ހެޔޮރަޙްމަތް ލެއްވުން އެދި ދުޢާކުރަމުން މިއުފާވެރި ޤައުމީދުވަހުގެ މުބާރަކްބާދީ ލޮބުވެތި އެންމެހާ ދިވެހި ރައްޔިތުންނަށް ފޮނުވަން.

— Maumoon Abdul Gayoom (@maumoonagayoom) September 4, 2024

އަދި ޤައުމީ ދުވަހުގެ ޖަލްސާގައި ރައީސް ޑރ މުޙައްމަދު މުޢިއްޒު އިއްވެވި ވަރުގަދަ ޚިޠާބަށް ރައީސް މައުމޫން ވަނީ ވަރަށް ބޮޑަށް ތަޢުރީފު ކުރައްވައިފައެވެ.

Congratulations, President, on your powerful and exceptionally inspirational address today. Well done Sir!

— Maumoon Abdul Gayoom (@maumoonagayoom) September 4, 2024

މީގެެ އިތުރުން  ޤައުމީ ދުވަހުގެ ރަސްމީ ޖަލްސާގައި ދިވެހި ވަންތަކަމަށްޓަކާ ފަޚުރުވެރިވާން ޖެހޭ ވަރަށް ގިނަ ކަންތައްތަކެއް ފެނުމުން ވަރަށްއުފާވި ކަމަށާއި، ހަމަ އެއާއެކު ވަރަށްގިނަ ފިރިހެން ބޭފުޅުން ރައީސުލްޖުމްހޫރިއްޔާގެ އަނބިކަނބަލުންނާ ސަލާމް ނުކުރެއްވިތަން ފެނުމުން ވަރަށް ދެރަވި ކަމަށް ރައީސް މައުމޫން ވަނީ ވިދާޅުވެފައިވެއެވެ.

ރައީސް މައުމޫނުގެ މި ޕޯސްޓާއި އެކު ގިނަ ބަޔަކު ސޯޝަލް މީޑިއާގައި އެމަނިކުފާނަށް ވަރަށް ބޮޑަށް ފާޑު ކިޔަމުން ދާކަންވެސް ފާހަގަކޮށްލަންޖެހެއެވެ.