ޚަބަރު
މަސްވެރިންގެ ކަންބޮޑުވުންތައް ހައްލު ކޮށްދެއްވުމަކީ ރައީސް އެންމެ އިސްކަން ދެއްވާ ކަންތައް: ވަޒީރު ޝިޔާމް
މަސްވެރިކަމާ ބެހޭ ވަޒިރު އަޙްމަދު ޝިޔާމް. ފޮޓޯ: ރައީސް އޮފީސް
މަސްވެރިންގެ ކަންބޮޑުވުންތައް ހައްލު ކޮށްދެއްވުމަކީ ރައީސުލްޖުމްހޫރިއްޔާ ޑރ މުޙައްމަދު މުޢިއްޒު އެންމެ އިސްކަންދެއްވާ ކަންތައް ކަމަށް މަސްވެރިކަމާ ކަނޑުގެ ވަޞީލަތްތަކާ ބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ.
ވަޒީރު ޝިޔާމް މިހެން ވިދާޅުވީ އެމަނިކުފާނު އެކްސްގައި ކުރެއްވެވި ޕޯސްޓެއްގައެވެ.
ވަޒީރު ޝިޔާމް ވިދާޅުވީ ރައީސުލް ޖުމްހޫރިއްޔާ ޑރ މުޙައްމަދު މުޢިއްޒު އަކީ ދިވެހި ތާރީޚުގައި މަސްވެރި ސިނާޢަތަށް ރިޔާސީ ދައުރެއްގައި އެންމެބޮޑު ޚިދުމަތެއް ކޮށްދެއްވާނެ ރައީސްކަން ޔަޤީންވަނީ ޒަޢާމަތުގެ ފުރަތަމަ އަހަރު އެކަނި ސިނާޢަތުގެ ތަރައްޤީއަށް ކުރައްވަން ފެއްޓެވި މުހިއްމު ގިނަ މަސައްކަތްޕުޅުތަކުން ކަމަށެވެ.
އަދި ރައީސް މުޢިއްޒު ސިނާޢަތުގެ މަސްލަޙަތުވެރިންނާ ގާތުން މަސައްކަތްޕުޅު ކުރެއްވުމަށް އަބަދުވެސް ވަރަށް ބޮޑު ސަމާލުކަމެއްދެއްވާ ކަމަށް ވަޒީރު ޝިޔާމް ވިދާޅުވިއެވެ.
“މަސްވެރިންގެ ކަންބޮޑުވުންތައް ހައްލު ކުރެއްވުމަކީ ރައީސް އެންމެ އިސްކަމެއް ދެއްވާ ކަންތައް” މަސްވެރިކަމާ ބެހޭ ވަޒީރު އަޙްމަދު ޝިޔާމް ވިދާޅުވިއެވެ.
<blockquote class="twitter-tweet"><p lang="dv" dir="rtl">ރައީސުލް ޖުމްޙޫރިއްޔާ <a href="https://twitter.com/MMuizzu?ref_src=twsrc%5Etfw">@MMuizzu</a> އަކީ ދިވެހި ތާރީޚުގައި މަސްވެރި ސިނާޢަތަށް ރިޔާސީ ދައުރެއްގައި އެންމެބޮޑު ޚިދުމަތެއް ކޮށްދެއްވާނެ ރައީސްކަން ޔަޤީންވަނީ ޒަޢާމަތުގެ ފުރަތަމަ އަހަރު އެކަނި ސިނާޢަތުގެ ތަރައްޤީއަށް ކުރައްވަން ފެއްޓެވި މުހިއްމު ގިނަ މަސައްކަތްޕުޅުތަކުން. ސިނާޢަތުގެ… <a href="https://t.co/4qEWv4pGbp">https://t.co/4qEWv4pGbp</a></p>— Ahmed Shiyam (@Shiyamaldives) <a href="https://twitter.com/Shiyamaldives/status/1864267378407952636?ref_src=twsrc%5Etfw">December 4, 2024</a></blockquote> <script async src="https://platform.twitter.com/widgets.js" charset="utf-8"></script>
ވަޒީރު ޝިޔާމް މިހެން ވިދާޅުވެފައި ވާއިރު މިއަދު ރައީސް ޑރ މުޢިއްޒު ވަނީ ބައެއް ކެޔޮޅުންނާއި ބައްދަލުކުރައްވައިފައެވެ. ކެޔޮޅުންނާއިއެކު ބޭއްވި ބައްދަލުވުމުގައި ކެޔޮޅުން ވަނީ އެބޭފުޅުންގެ ކަންބޮޑުވުންތައް ރައީސް މުޢިއްޒާއި ހިއްސާކުރައްވައިފައެވެ. އަދި ރައީސް މުޢިއްޒު ވަނީ ސަރުކާރުން މަސްވެރިންނާ އަދި ކެޔޮޅުންނާ ގާތުން، އެފަރާތްތަކުގެ ކަންބޮޑުވުންތަކަށް ޙައްލު ލިބޭނެގޮތަށް މަސައްކަތް ކުރައްވާނެކަމުގައި ވިދާޅުވެފައެވެ.
މީގެއިތުރުން ބައްދަލުކުރެއްވުމުގައި ފާހަގަކުރެއްވި ކަންކަން، ވަރަށް ސީރިއަސް ގޮތެއްގައި ބައްލަވައި، އެކަންކަމަށް އަވަސް ފިޔަވަޅުތަކެއް އެޅުއްވުމަށް މަސައްކަތްޕުޅު ކުރައްވާނެކަމުގައި އެމަނިކުފާނު ވިދާޅުވިއެވެ. މިއަދު ކުރިއަށްދިޔަފަދަ ބައްދަލުވުންތައް ގިނަ ގިނައިން ބޭއްވެވުމަށް މަސައްކަތްޕުޅު ކުރައްވާނެ ކަމުގައިވެސް ރައީސް މުޢިއްޒު ވިދާޅުވިއެވެ.
