ދުނިޔެ

އެމެރިކާއިން ސޫރިޔާގެ އިރުމަތީ ސަރަޙައްދަށް ވައިގެ ޙަމަލާތަކެއް ދީފި

އެމެރިކާއިން ސޫރިޔާގެ އިރުމަތީ ސަރަޙައްދަށް ވައިގެ ޙަމަލާތަކެއް ދީފި

ސޫރިޔާއަށް ބޮމުގެ ހަމަލާދިނުމުން ހަލާކުވެފައިވާ ސަރަޚައްދެއް ފޮޓޮ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

04 ޑިސެމްބަރު 2024، 06:58

04 ޑިސެމްބަރު 2024، 06:58

ސޫރިޔާގެ އިރުމަތީގައި އޮތް ސަރަޙައްދަކަށް އެމެރިކާގެ އަސްކަރިއްޔާއިން ވައިގެ ޙަމަލާތަކެއް ދީފިއެވެ. މި ޙަމަލާތައް ދީފައިވަނީ ސޫރިޔާގެ ޙަލަބު ޕްރޮވިންސަށް ހަތިޔާރު އެޅި ޖަމާޢަތް ހަޔިއަތު ތަޙްރީރު އަލް-ޝާމް (އެޗްޓީއެސް) އިން އަތްގަދަ ކޮށްފައިވާ ދަނޑިވަޅެއްގައެވެ.

އެޗްޓީއެސްގެ ހަނގުރާމަވެރިން ޙަލަބު ޕްރޮވިންސަށް އަތްގަދަ ކޮށްފައިވަނީ ނޮވެމްބަރު 27 ވަނަ ދުވަހު ފެށި ޙަމަލާތަކަކާ ގުޅިގެންނެވެ. މިއީ 2020 ވަނަ އަހަރުގެ މާރިޗު މަހުން ފެށިގެން ސޫރިޔާގެ ދާޚިލީ ހަނގުރާމައިގެ ދަށުން ބަދަލުކުރަމުން ދިޔަ ޙަމަލާތައް މެދުކަނޑާލުމަށްފަހު ދީފައިވާ އެންމެ ބޮޑު އަދި ނުރައްކާތެރި ޙަމަލާތަކެވެ.

އެމެރިކާގެ ދިފާޢީ އިދާރާ، ޕެންޓެގަންގެ ތަރުޖަމާނު ޕެޓްރިކް ރަޔިޑަރ ވިދާޅުވީ، އެމެރިކާގެ އަސްކަރިއްޔާއިން ދީފައިވާ ވައިގެ ޙަމަލާތަކާއި އެޗްޓީއެސްގެ ހަނގުރާމަވެރިން ޙަލަބަށް އަތްގަދަ ކުރުމާ އެއްވެސް ގުޅުމެއް ނެތް ކަމަށެވެ. އޭނާ ވިދާޅުވީ މިއީ ސޫރިޔާގައި ތިބި އެމެރިކާގެ އިސްތިޢުމާރީ ސިފައިންގެ ދިފާޢުގައި ދީފައިވާ ޙަމަލާތަކެއް ކަމަށެވެ.

ރަޔިޑަރ ވިދާޅުވި ގޮތުގައި މި ޙަމަލާތަކުގައި ތިން ރޮކެޓް ލޯންޗަރާއި ޓީ-64 މަރުކާގެ އަސްކަރީ ޓޭންކެއް ނައްތާލާފައިވެއެވެ. މިއީ މިލިޓަރީ ސަޕޯޓް ޔުނިޓް (އެމްއެސްއެސް) އަލް-ފުތާރުގައި ތިބި އެމެރިކާ ސިފައިންނަށް އަމާޒުކޮށް ދީފައިވާ ރޮކެޓް ޙަމަލާތަކެއްގެ ބަދަލު ހިފުމުގެ ގޮތުން ދީފައިވާ ޙަމަލާތަކެއް ކަމަށް ވެސް އޭނާ ވިދާޅުވިއެވެ.

މި ޙަމަލާތައް ދީފައިވަނީ އީރާނުން ވާގިވެރިވާ ހަތިޔާރު އެޅި ޖަމާޢަތްތަކުން ހަރަކާތްތެރިވާ ކަމަށް ބެލެވޭ ސަރަޙައްދަކަށް ކަމަށާއި، އެ ސަރަޙައްދުގައި ސޫރިޔާގެ އަސްކަރިއްޔާގެ ސިފައިން ވެސް ހަރަކާތްތެރިވަމުން ދިޔަ ކަން ރަޔިޑަރ ފާހަގަކުރެއްވިއެވެ.

މި ޙަމަލާތައް ދީފައިވަނީ ސޫރިޔާގެ ވެރިރަށް ދިމިޝްޤަށް ޔަހޫދީ ފައުޖުން ނިރުބަވެރި ޙަމަލާއެއް ދިން ދަނޑިވަޅެއްގައެވެ. ޔަހޫދީ ފައުޖުގެ މި ޙަމަލާގައި ލުބްނާނުގެ މުޖާހިދުންގެ ޖަމާޢަތް، ޙިޒްބުاللهގެ އިސް ކޮމާންޑަރެއް ކަމަށްވާ ސަލްމާން ޖުމްޢާ ޝަހީދުވެފައިވާ ކަމަށް ލުބްނާނުގެ ސަލާމަތީ މަޞްދަރުތަކުން ބުނެފައިވެއެވެ.
                    

މި ލިޔުން ކިޔާލުމުން

Ads by MSS