ޚަބަރު
ފުވައްމުލަކު ސިޓީގައި ރެސިލިއެންސް ހައުސިން ގައިޑެންސް ފޯ ދަ މޯލްޑިވްސް ހޭންޑްބުކް ރަސްމީކޮށް ތަޢާރަފްކޮށްފި
ފުވައްމުލަކުގައި ރެސިލިއަންސް ހައުސިންގ ގައިޑެންސް ހޭންޑްބުކް ތަޢާރަފްކުރުން
ފުވައްމުލަކު ސިޓީގައި ރެސިލިއެންސް ހައުސިން ގައިޑެންސް ފޯ ދަ މޯލްޑިވްސް ހޭންޑްބުކް ރަސްމީކޮށް ތަޢާރަފްކޮށްފިއެވެ.
މި ހޭންޑްބުކް ފުވައްމުލަކުގައި ރަސްމީކޮށް ތަޢާރަފްކޮށްދެއްވައިފައިވަނީ ސިޓީތަކާއި އިދާރީދާއިރާތައް ހިންގުމާއި އާންމު މަސައްކަތްތަކާ ބެހޭ ވުޒާރާގެ ސްޓޭޓް މިނިސްޓަރު މޫސާ ފަތުޙީ އާދަމާއި ފުވައްމުލަކު ސިޓީގެ ޑެޕިއުޓީ މޭޔަރު މުހައްމަދު ފިކުރީއެވެ.
މި ހޭންޑްބުކް ތަޢާރަފްކުރުމަށް ބޭއްވި ރަސްމިއްޔާތުގައި އިމާރާތްކުރުމާ ބިނާރާބެހޭ ވުޒާރާގެ ސްޓޭޓް މިނިސްޓަރ އިބްރާހިމް ނަޒީމާއި، އެވުޒާރާގެ ނައިބު މުހައްމަދު އިމްރާން ހަސަން، އެވުޒާރާގެ ނައިބު ހަސަން ވިޝާލް، އަދި ޕާމަނަންޓް ސެކްރެޓަރީ މުހައްމަދު ޝާމިލްގެ އިތުރުން ސިޓީތަކާއި އިދާރީދާއިރާތައް ހިންގުމާއި އާންމު މަސައްކަތްތަކާ ބެހޭ ވުޒާރާގެ ނައިބުންނާއި ސަރުކާރުގެ އޮފީސްތަކުގެ އިސް އޮފިޝަލުން، ގޭގެ ވެރިން، އަދި ކޮންޓްރެކްޓަރުން ވެސް މި މުނާސަބަތުގައި ބައިވެރިވި ކަމަށް އިމާރާތްކުރުމާ ބެހޭ ވުޒާރާއިން ބުނެފައިވެއެވެ.
Minister of State for Cities, Local Government, and Public Works, Uz. Moosa Fathuhee Adam, and the Deputy Mayor Mohamed Fikuree officially launched the Resilience Housing Guidance for the Maldives Handbook in Fuvahmulah City. Minister of State for Construction and Infrastructure… pic.twitter.com/NYmytXOw4n
— Ministry of Construction and Infrastructure (@MoCImv) December 4, 2024
މި ހޭންޑްބުކަކީ ސަރުކާރުގެ އިދާރާތަކާއި، އަމިއްލަ ފަރާތްތަކާއި، އާންމުންގެ ތެރެއިން ގިނަ އަދަދެއްގެ ސްޓޭކްހޯލްޑަރުންގެ މުހިންމު އިންޕުޓާއެކު އިމާރާތްކުރުމާ ބިނާރާ ބެހޭ ވުޒާރާއާއި ވޯލްޑް ބޭންކް ގުޅިގެން ތައްޔާރުކޮށްފައިވާ ފޮތެކެވެ.
މިއަދު ބޭއްވި ރަސްމިއްޔާތުގައި ވޯލްޑް ބޭންކުގެ ސީނިއާ ހައުސިން ސްޕެޝަލިސްޓް ޑާއޯ އެޗް ހެރިސަން އާއި ރަޔާން ޕްރައިވެޓް ލިމިޓެޑުގެ ފާތިމަތު ރަޝީދު ވަނީ މި ގައިޑްގެ މުހިންމުކަމާއި ފައިދާތަކުގެ އިތުރުން މި އަތްފޮތް އެކުލަވާލުމުގެ މަސައްކަތް ކުރިއަށްދިޔަ ގޮޮތައް އަލިއަޅުއްވައިލައްވައިފައެވެ.
