ކުޅިވަރު

ގޯލްޑް ކަޕް: ގޯލާ އެންމެ ރަށްޓެހި ޓީމަކީ ފުވައްމުލަކު ސިޓީ

ގޯލްޑް ކަޕް: ގޯލާ އެންމެ ރަށްޓެހި ޓީމަކީ ފުވައްމުލަކު ސިޓީ

ކުޑަހުވަދޫ ކޮޅަށް ގޯލު ޖެހުމަށްފަހު ފުވައްމުލަކު ސިޓީގެ އޮވޫސޫ އުފާފާޅު ކުރަނީ--

މިފްތާޙް މުޙައްމަދު

މިފްތާޙް މުޙައްމަދު

05 ޑިސެމްބަރު 2024، 08:59

05 ޑިސެމްބަރު 2024، 08:59

ހުލާސާ

ގްރޫޕް ފޭސް-1ގެ ފުވައްމުލަކު ސިޓީގެ ހުރިހާ މެޗެއް މިހާރު ކުޅެ ނިމިފައިވާއިރު، އެ ޓީމުން ވަނީ 4 މެޗުން 19 ގޯލު ކާމިޔާބުކޮށްފައި.

ފުވައްމުލަކު ސިޓީއާއި ދެން އެންމެ ގާތް ކުރަނީ، 4 ޓީމު ހިމެނޭ ގްރޫޕް-ބީގެ އޭދަފުށި.

މިހާރު ގަލޮޅު ދަނޑުގައި ކުރިއަށްދާ ނައިންޓީ ޕްލަސް ގޯލްޑް ކަޕްގެ ގްރޫޕް-އޭގައި ފުވައްމުލަކު ސިޓީއިން ކުޅުނު ފަހު މެޗު ފަރެސްމާތޮޑާއާ ދެކޮޅަށް ކުޅެ 5-0 އިން ކާމިޔާބުކުރިއިރު، މުބާރާތުގައި މިހާތަނަށް ގޯލާ އެންމެ ރަށްޓެހި ޓީމުގެ ގޮތުގައި ފެންނަނީ އެ ޓީމެވެ. މީގެ އިތުރުން 5 ޓީމު ހިމެނޭ ހަމައެކަނި ގްރޫޕްގެ ހުރިހާ މެޗެއް ވެސް އެ ޓީމު މިވަނީ ކާމިޔާބު ކޮށްފައެވެ.

ގްރޫޕް ފޭސް-1ގެ ފުވައްމުލަކު ސިޓީގެ ހުރިހާ މެޗެއް މިހާރު ކުޅެ ނިމިފައިވާއިރު، އެ ޓީމުން ވަނީ 4 މެޗުން 19 ގޯލު ކާމިޔާބުކޮށްފައެވެ. އެއީ މެޗަކަށް 4.75 ގޯލުގެ ރޭޓުންނެވެ. 

ފުވައްމުލަކު ސިޓީއާއި ދެން އެންމެ ގާތް ކުރަނީ، 4 ޓީމު ހިމެނޭ ގްރޫޕް-ބީގެ އޭދަފުއްޓެވެ. ކުޅުނު 3 މެޗުގައި ކޮޅަށް އެންމެ ގޯލެއް ވަދެފައިވާ އޭދަފުށިން ގްރޫޕްގެ ހުރިހާ މެޗެއް ކާމިޔާބު ކުރިއިރު، މެޗަކަށް 3.67 ގޯލުގެ ރޭޓުން 11 ގޯލު ވަނީ އެ ޓީމުން ކާމިޔާބު ކޮށްފައިވެއެވެ. 

ބުދަ ދުވަހުގެރޭ ފުވައްމުލަކު ސިޓީއިން ފަރެސްމާތޮޑާ ބަލިކުރިއިރު، ފުވައްމުލަކު ސިޓީއަށް ކުޅޭ ގާނާގެ ކުޅުންތެރިޔާ، ކޮފީ އޮވޫސޫވަނީ ހެޓްރިކެއް ހަދާފައެވެ. މިއީ އޭނާ މުބާރާތުގައި ހެދި ދެވަނަ ހެޓްރިކެވެ، އަދި މުބާރާތުގައި އޭނާ ކާމިޔާބުކުރި 7 ވަނަ ގޯލެވެ.

ފަރެސްމާތޮޑާ ކޮޅަށް ވަތް އަނެއް ދެގޯލުގެ ތެރެއިން އެއް ގޯލަކީ، އެ ޓީމުގެ ކުޅުންތެރިއެއްގެ އަތުން ބައިކޮޅަށް ވަތް ގޯލެކެވެ. އަދި ފުވައްމުލަކުގެ ފަހު ގޯލު ޖެހީ މުހައްމަދު އިޔާޝް އަހުމަދެވެ.

ފުވައްމުލަކު ސިޓީ އާއި ދެކޮޅަށް ކުޅެ ބަލިވުމުން، ފަރެސްމާތޮޑާއަށް މުބާރާތާއި އަލްވަދާއު ކިޔަން ޖެހުނީ އެއްވެސް ޕޮއިންޓެއް ނުލިބިއެވެ. ނަމަވެސް މި ގްރޫޕްގައި ދެން ހިމެނޭ ދިއްދޫ، މީދޫ އަދި ކުޑަހުވަދޫއަށް ދެވަނަ ބުރުގެ ފުރުސަތު އެބައޮތެވެ. މި 3 ޓީމަށް 3 ޕޮއިންޓު ލިބިފައިވާއިރު، ދިއްދޫ އާއި މީދޫއަށް ބާކީ ދެ މެޗު އެބައޮތެވެ. އަދި ކުޑަހުވަދޫއަށް ބާކީ އޮތީ އެންމެ މެޗެކެވެ. އެހެންކަމުން، މި ތަނުން ކޮންމެވެސް އެއް ޓީމެއް މުބާރާތުން ކަޓާނެއެވެ.

މުބާރާތުގައި މިރޭ ވެސް ގްރޫޕް-އޭގެ މެޗެއް ކުޅޭނެއެވެ. މި މެޗުގައި ބައްދަލުކުރާނީ މީދޫ އާއި ދިއްދޫއެވެ. 

މި ލިޔުން ކިޔާލުމުން

Ads by MSS