ޚަބަރު
"ޕްރޮޖެކްޓް ފޯރ ޑިޒާސްޓަރ ރެސިލިއަންސް އެންހޭންސްމަންޓް އިން މާލެ އައިލެންޑް" ކޮންސަލްޓެންސީ އެއްބަސްވުމުގައި ސޮއިކޮށްފި
އިމާރާތްކުރުމާ ބެހޭ ވުޒާރާއާއި ޖަޕާނުގެ ކޮންސަލްޓެންސީ ޓީމާއި އެކު ވެވުނު އެއްބަސްވުން. ފޮޓޯ: ވުޒާރާ
"ޕްރޮޖެކްޓް ފޯރ ޑިޒާސްޓަރ ރެސިލިއަންސް އެންހޭންސްމަންޓް އިން މާލެ އައިލެންޑް" ކޮންސަލްޓެންސީ އެއްބަސްވުމުގައި ސޮއިކޮށްފިއެވެ.
އިމާރާތްކުރުމާ ބިނާރާ ބެހޭ ވުޒާރާއިން ބުނެފައިވަނީ މިއެއްބަސްވުމުގައި ސޮއިކޮށްފައިވަނީ 3 ޑިސެމްބަރު 2024 ވީ އަންގާރަދުވަހު ކަމަށެވެ. އަދި މި އެއްބަސްވުމުގައި އެވުޒާރާގެ ފަރާތުން ސޮއިކޮށްފައިވަނީ އެވުޒާރާގެ ސްޓޭޓް މިނިސްޓަރ ޠަޢާމް މުޙައްމަދު ކަމަށާއި، ކޮންސަލްޓެންސީ ޓީމުގެ ފަރާތުން ސޮއިކުރައްވައިފައިވަނީ ޗީފް ކޮންސަލްޓަންޓް ހިރޯމީ ނަމިކީ ކަމަށް އިމާރާތްކުރުމާ ބެހޭ ވުޒާރާއިން ބުނެފައިވެއެވެ.
އިމާރާތްކުރުމާ ބެހޭ ވުޒާރާއިން ބުނެފައިވަނީ މިއެއްބަސްވުމަކީ މާލެސިޓީގެ އެއްގަމު ތޮށި މަރާމަތުކުރުމުގެ މަސައްކަތުގެ ޑީޓެއިލް ޑިޒައިންކުރުމުގެ ގޮތުން ވެފައިވާ އެއްބަސްވުމެއް ކަމަށެވެ.
މި އެއްބަސްވުމުގެ ދަށުން 2025 ވަނަ އަހަރުގެ ފުރަތަމަ ކުއާޓަރާއި ހަމައަށް ޑިޒައިނިންގ ފޭސް ނިންމުމަށްވަނީ ރާވާފައިކަމަށް އެވުޒާރާއިން ބުނެފައިވެއެވެ.
On 3rd December 2024, the Minister of State for Construction and Infrastructure, Ibrahim Thoaam Mohamed, signed the consultancy agreement for the Project for Disaster Resilience Enhancement in Malé Island, which primarily focuses on upgrading the coastal defences of Malé City.… pic.twitter.com/djoffCJqD0
— Ministry of Construction and Infrastructure (@MoCImv) December 5, 2024
މި މަޝްރޫޢު ކުރިއަށް ގެންދިއުމަށް މިދިޔަ ސެޕްޓެމްބަރު މަހުގެ 19 ވަނަ ދުވަހު ރާއްޖެއާއި ޖަޕާން ސަރުކާރާ ދެމެދު ވަނީ އެކްސްޗޭންޖް އޮފް ނޯޓްސްގައި ސޮއިކޮށް, ގްރާންޓް އެއިޑްގެ އެއްބަސްވުމުގައި އޮކްޓޯބަރު މަހުގެ 28 ގައި ސޮއިކޮށްފައެވެ.
މިމަޝްރޫޢަކީ ޖަޕާން ސަރުކާރުގެ އިކޮނޮމިކް އެންޑް ސޯޝަލް ޑިވެލޮޕްމަންޓް ޕްރޮގްރާމުގެ ދަށުން ކުރިއަށް ގެންދިއުމަށް ހަމަޖެހިފައިވާ މަޝްރޫޢެކެވެ. އެގޮތުން މިމަޝްރޫޢަށް ހިލޭ އެހީގެ ގޮތުގައި ޖަޕާނު ސަރުކާރުން ވަނީ 20 މިލިއަން ޖަޕަނިސް ޔެން ނުވަތަ 140،000 އެމެރިކާ ޑޮލަރު ދޭން ނިންމާފައެވެ.
