އަމާން އުދަރެސް ޓަވަރަކުން 16 އަހަރުގެ އަންހެން ކުއްޖަކު ވެއްޓިއްޖެ

ހުޅުމާލެ ފޭސް 2 ގައި ހުންނަ އަމާން އުދަރެސް ޓަވަރަކުން 16 އަހަރުގެ އަންހެން ކުއްޖަކު ވެއްޓިއްޖެއެވެ.

 ހުޅުމާލެ ފޭސް 2 ގެ އަމާން އުދަރެސް 2 ގެ 3 ވަނަ ފަންގިފިލާއިން ކުއްޖަކު ވެއްޓިފައިވާކަމުގެ ރިޕޯޓު ފުލުހުންނަށް ލިބިފައިވަނީ 2026 އޮގަސްޓު 31 ވަނަ ދުވަހުގެ 11:35 އެހައިކަންހާއިރު ކަމަށް އެ އިދާރާއިން މައުލޫމާތު ދެއެވެ.

އިމާރާތުން ވެއްޓިފައިވަނީ 16 އަހަރުގެ ދިވެހި އަންހެން ކުއްޖެކެވެ. އެ ކުއްޖާއަށް ލިބުނު އަނިޔާތަކާ ގުޅިގެން މިހާރު ހުޅުމާލެ ހޮސްޕިޓަލުގައި ދަނީ ފަރުވާދެމުން ކަމަށް ފުލުހުން ވިދާޅުވެއެވެ.

މި ހާދިސާ ހިނގަން މެދުވެރިވި ސަބަބު ދެނެގަތުމަށާއި، މިކަމާ ގުޅޭ އިތުރު ތަފްސީލު ހޯދުމަށް ފުލުހުން މިހާރު ދަނީ މި މައްސަލަ އިތުރަށް ތަހުގީގުކުރަމުންނެވެ.