ފޯމެޓަށް ބޮޑު ބަދަލުތަކެއް ގެނަސް، ކްލަބް ވޯލްޑް ކަޕްގެ ގުރުއަތުނެގުން ބާއްވައިފި

މުބާރާތް ކުޅޭ ފޯމެޓަށާއި، ޓީމުތަކުގެ އަދަދަކަށް ބޮޑު ބަދަލުތަކެއް ގެނައުމަށްފަހު ބާއްވާ ފުރަތަމަ ކްލަބް ވޯލްޑްކަޕްގެ ގުރުއަތުނެގުން ބާއްވައިފިއެވެ. އެމެރިކާގެ މިއާމީގެ ދެ ތަނެއްގައި ބޭއްވި ގުރުއަތު ނެގުމުގެ ރަސްމިއްޔާތު ތަކުގެ ދިގުމިން ދެ ގަޑިއިރާ ގާތްކުރިއިރު، މި ހަފްލާގައި އެމެރިކާގެ އިންތިހާބީ ރައީސް، ޑޮނާލްޑް ޓްރަމްޕުގެ އަންހެން ދަރިފުޅު، އިވާންކާ ވެސް ވަނީ ބައިވެރިވެފައެވެ. މީގެ އިތުރުން، މި ރަސްމިއްޔާތުގައި މުބާރާތުގެ އައު ޓްރޮފީވެސް ދއްކާލާފައި ވެއެވެ.

ގުރުއަތުނެގުމަށްފަހު އެންމެ ގިނަ ބައެއްގެ އަމާޒު ހުއްޓިފައިވަނީ ގްރޫޕް-ޖީއަށެވެ. މުބާރާތުގެ އެންމެ ފަހުގެ ޗެމްޕިއަން މެންޗެސްޓަރ ސިޓީ އެ ގްރޫޕުގައި ހިމެނޭއިރު، އިޓަލީގެ ފުޓުބޯޅައިގެ ގަދަބާރު ޖުވެސްޓަސް ވެސް ހިމެނެނީ ހަމަ އެ ގްރޫޕުގައެވެ. 

ޕެޕް ގާޑިއޯލާގެ މެންޗެސްޓަރ ސިޓީއިން މުބާރާތުގެ ތަށި ދިފާއުކުރުމަށް ނިކުމެ ކުޅޭ ފުރަތަމަ މެޗުގައި އެ ކްލަބުން ބައްދަލުކުރާނީ މޮރޮކޯގެ އަލްވިދާދުއާ ދެކޮޅަށެވެ. މީގެ އިތުރުން، ޔުނައިޓެޑް އެރެބް އެމިރޭޓްސް (ޔޫއޭއީ)ގެ ލީގު ޗެމްޕިއަންކަން 14 ފަހަރު ހޯދާފައިވާ، އެ ލީގުގެ އެންމެ މޮޅު ޓީމު ވެސް ހިމެނެނީ މި ގްރޫޕުގައެވެ. މި ކްލަބުގެ އޯނަރަކީ މެންޗެސްޓަރ ސިޓީގެ އޯނަރު، ޝެއިހް މަންސޫރުގެ ބޭބެ އަދި ޔޫއޭއީގެ ރައީސް، ޝެއިން މުޙައްމަދު ބިން ޒެއިދް އަލް ނަހްޔާންއެވެ. 

ކްލަބް ވޯލްޑް ކަޕްގެ ގްރޫޕުތައް ބެހިފައިވާ ގޮތް:

ގްރޫޕް އޭ: ޕަލްމެރާސް (ބްރެޒިލް)، އެފްސީ ޕޯޓޯ (ޕޯޗުގަލް)، އަލް އަހުލީ (މިސްރު) އަދި އިންޓަ މިއާމީ (އެމެރިކާ)

ގްރޫޕް ބީ: ޕީއެސްޖީ (ފްރާންސް)، އެތުލެޓިކޯ މެޑްރިޑް (ސްޕެއިން)، ބޮޓަފޯގޯ (ބްރެޒިލް) އަދި ސިއޭޓަލް ސައުންޑާސް އެފްސީ (އެމެރިކާ)

ގްރޫޕް ސީ: ބަޔާން މިއުނިކް (ޖަރުމަނު)، އޯކްލަންޑް ސިޓީ އެފްސީ (ނިއުޒިލަންޑް)، ބޮކަ ޖޫނިއާސް (އާޖެންޓީނާ) އަދި ބެންފީކާ (ޕޯޗުގަލް)

ގްރޫޕް ޑީ: ފްލެމިންގޯ (ބްރެޒިލް)، އެސްޕަރާންސް ޑެޕޯޓިވޯ (ޓިއުނީޝިއާ)، ޗެލްސީ (އިންގްލެންޑް) އަދި ކްލަބް ލިއޯން (މެކްސިކޯ)

ގްރޫޕް އީ: ރިވާ ޕްލޭޓް (އާޖެންޓީނާ)، އުރާވާ ރެޑް ޑައިމަންޑްސް (ޖަޕާން)، މޮންޓޭރޯ (މެކްސިކޯ) އަދި އިންޓަރ މިލާން (އިޓަލީ)

ގްރޫޕް އެފް: ބްރޫޝިއާ ޑޯޓްމަންޑް (ޖަރުމަނު)، ފްލުމިނޭސް (ބްރެޒިލް)، އުލްސަން އެޗްޑީ (ކޮރެއާ) އަދި މަމެލޮޑީ ސަންޑައުންސް (ސައުތު އެފްރިކާ)

ގްރޫޕް ޖީ: މެންޗެސްޓަރ ސިޓީ (އިންގްލެންޑް)، ޖުވެންޓަސް (އިޓަލީ)، އަލްއައިން (ޔޫއޭއީ) އަދި ވިދާދް (މޮރޮކޯ)

ގްރޫޕް އެފް: ރެއާލް މެޑްރިދް (ސެޕެއިން)، އަލް ހިލާލް (ސައުދީ އެރެބިއާ)، ޕަޗޫކާ (މެކްސިކޯ) އަދި ސަލްޒްބާގް (އޮސްޓްރިއާ)

މި މުބާރާތުގެ އެންމެ ކާމިޔާބު ކްލަބަކީ ރެއާލް މެޑްރިޑެވެ. އެ ކްލަބުން ވަނީ މި މުބާރާތް 5 ފަހަރު ކާމިޔާބުކޮށްފައެވެ.