ޚަބަރު
ރާއްޖޭގެ އެކައުންޓިން ދާއިރާގެ އެންމެ ބޮޑު ފޯރަމް މިމަހު 14 ވަނަ ދުވަހު ފަށަނީ

ސީއޭ މޯލްޑިވްސް ފޮޓޯ:ސީއޭ
އިންސްޓިޓިއުޓް އޮފް ޗާޓަރޑް އެކައުންޓެންޓްސް އޮފް ދަ މޯލްޑިވްސް (ސީއޭ މޯލްޑިވްސް) އިން ދިވެހިރާއްޖޭގައި ބާއްވާ އެކައުންޓިން ދާއިރާގެ އެންމެ ބޮޑު ފޯރަމްކަމަށްވާ "އައިއެފްއާރުއެސް އެންޑް އައިއެސްއޭ ފޯރަމް" މިމަހުގެ 14 ވަނަ ދުވަހު ފެށުމަށް ހަމަޖެހިފައިވާކަމަށް އިޢުލާންކޮށްފިއެވެ.
ޕީއެސްއެމް ނިއުސްގެ ރާއްޖެ މިއަދު ޕްރޮގުރާމްގައި ވާހަކަދައްކަވަމުން ސީއޭ މޯލްޑިވްސްގެ ރައީސް މުޙައްމަދު ޙަލީމް ޢަބްދުﷲ ވިދާޅުވީ މި ފޯރަމްގައި އިންޓަނޭޝަނަލް ފައިނެންޝިއަލް ރިޕޯޓިން ސްޓޭންޑަޑްސްއާއި އިންޓަނޭޝަނަލް ސްޓޭންޑަޑްސް އޮން އޮޑިޓިންއާގުޅޭ އެންމެ ފަހުގެ މަޢުލޫމާތުތައް ހިއްސާކުރެވޭނެ ކަމަށެވެ. އަދި ބޭރު ޤައުމުތަކުގެ އެކައުންޓިންގެ ދާއިރާގެ ތަޖުރިބާކާރުން ފޯރަމްގައި މަޢުލޫމާތުދީ ތަމްރީން ސެޝަންތައް ނަގައިދޭނެކަމަށްވެސް އެމަނިކުފާނު ވިދާޅުވިއެވެ.
މި ފޯރަމްގައި އެކައުންޓިން ދާއިރާގައި މަސައްކަތްކުރާ ފަރާތްތަކުން ބައިވެރިވުން ވަރަށް މުހިންމު. ވިޔަފާރިތަކާއި އެކައުންޓިން ދާއިރާގައި މަސައްކަތްކުރާ ފަރާތްތަކުގެ އެއްބާރުލުން ލިބޭ މި ފޯރަމަށް
ސީއޭ މޯލްޑިވްސްގެ ރައީސް ޙަލީމް.
މި ފޯރަމް އޮންނާނީ މިމަހުގެ 14 އިން 15 އަށް، ޢުމަރު ޒާހިރު ބިލްޑިންގައެވެ. މިހާތަނަށް 300 އެއްހާ މީހުން ވަނީ ރެޖިސްޓްރީވެފައެވެ. މިއީ ސީއޭ މޯލްޑިވްސްއިން މި ފޯރަމް ބާއްވާ 3 ވަނަ އަހަރެވެ. ފުރަތަމަ ފަހަރަށް މި ފޯރަމް ބާއްވާފައިވަނީ 2022 ވަނަ އަހަރުއެވެ.
އިންސްޓިޓިއުޓް އޮފް ޗާޓަރޑް އެކައުންޓެންޓްސް އޮފް ދަ މޯލްޑިވްސް އަކީ ރާއްޖޭގެ އެކައުންޓަންސީ ޕްރޮފެޝަނާގުޅޭ ކަންކަން، ބައިނަލްއަޤްވާމީ އުސޫލުތަކާއި ހަމަތަކާ އެއްގޮތްވާ ގޮތުގެމަތިން ތަންޒީމުކޮށް، ރާއްޖޭގައި އެކައޖޭގައި އެކައުންޓަންސީގެ ޕްރޮފެޝަނެއް ޤާއިމުކޮށް، އެ ޕްރޮފެޝަން ކުރިއެރުވުމަށް މަގުފަހިކުރުމަށްޓަކައި 2020 ވަނަ އަހަރު އެކުލަވާލި ދިވެހިރާއްޖޭގެ ޗާޓަރޑް އެކައުންޓެންޓުންގެ ޤާނޫނުގެ ދަށުން އުފައްދާފައިވާ އިންސްޓިޓިއުޓެކެވެ.