ގއ. ދާންދޫ މަގުމަތިން ނިޔާވެފައިއޮތް މީހަކު ފެނިއްޖެ

ގއ. ދާންދޫ މަގުމަތިން ނިޔާވެފައިވާ 33 އަހަރުގެ ފިރިހެނެއްގެ ހަށިގަނޑު ފެނިއްޖެކަމަށް ފުލުހުން މިއަދު ހާމަކޮށްފިއެވެ.

ފުލުހުން މީޑިއާތަކާ ހިއްސާކުރި މަޢުލޫމާތުގައިވާ ގޮތުން، މިއަދު ހެނދުނު 8:10 ހާއިރު ދާންދޫ ފެނަކަ ބްރާންޗުގެ ހުޅަނގު ފަރާތު މަގުމަތިން އެރަށު ނަގަހެލަގޭ އަޙްމަދު ޢަބްދުﷲ (33 އަހަރު) ވެއްޓިފައި އޮއްވާ ފެނުނު ކަމުގެ ރިޕޯޓެއް ލިބިފައިވެއެވެ.

 އަޙްމަދު ޢަބްދުﷲ ގެ ހަށިގަނޑު ދާންދޫ ހެލްތު ސެންޓަރަށް ގެންދިޔައިރުވެސް މަރުވެފައިވާކަން ކަށަވަރުވެފައިވާ ކަމަށް ފުލުހުން ވަނީ ހާމަކޮށްފައެވެ. މި ހާދިސާއާ ގުޅިގެން ފުލުހުން ދަނީ ތަޙްޤީޤު ކުރިއަށް ގެންދަމުންނެވެ.