ކުޅިވަރު

މީދޫ އިން އަވަށްޓެރި ކުޑަހުވަދޫ ކަޓުވާލައި ދެވަނަ ބުރުގެ ޖާގައެއް ކަށަވަރުކޮށްފި

މީދޫ އިން އަވަށްޓެރި ކުޑަހުވަދޫ ކަޓުވާލައި ދެވަނަ ބުރުގެ ޖާގައެއް ކަށަވަރުކޮށްފި

މީދޫގެ އިބްރާހިމް އިމްރާން އެ ޓީމަށް ލީޑު ފުޅާކޮށްދިނުމަށްފަހު އިފާފާޅުކުރަނީ---

މިފްތާޙް މުޙައްމަދު

މިފްތާޙް މުޙައްމަދު

07 ޑިސެމްބަރު 2024، 09:02

07 ޑިސެމްބަރު 2024، 09:02

ހުލާސާ

މި ގްރޫޕްގައި ފަސް ޓީމު ހިމެނޭއިރު، ގްރޫޕްގެ އެއްވަނަ ޔަގީންކޮށްފައިވަނީ، ކުޅުނު ހުރިހާ މެޗެއް ކާމިޔާބުކޮށް ފުވައްމުލަކު ސިޓީ.

ގްރޫޕް-އޭގެ ދެވަނައިގައި މިވަގުތު އޮތީ ވެސް މީދޫ.

ނައިންޓީ ޕްލަސް ގޯލްޑް ކަޕްގައި ދެވަނަ ބުރުގެ ޖާގައެއް ހޯދުމަށް ގްރޫޕް-އޭގައި ހިމެނޭ ދ އަތޮޅަށް ނިސްބަތްވާ މީދޫ އާއި ކުޑަހުވަދޫ ބައްދަލުރި މެޗު 2-1 އިން މީދޫ ކާމިޔާބުކޮށް، ކުޑަހުވަދޫ މުބާރާތުން ކަޓުވާލައިފިއެވެ. މި ނަތީޖާއާއެކު މި ގްރޫޕުން، ފުވައްމުލަކު ސިޓީ އާއި މީދޫ އާއިއެކު ދެވަނަ ބުރުގެ ޖާގަ ޔަގީންވީ ދިއްދޫއަށެވެ.

މި ގްރޫޕްގައި ފަސް ޓީމު ހިމެނޭއިރު، ގްރޫޕްގެ އެއްވަނަ ޔަގީންކޮށްފައިވަނީ، ކުޅުނު ހުރިހާ މެޗެއް ކާމިޔާބުކޮށް ފުވައްމުލަކު ސިޓީއެވެ. މި މުބާރާތުގައި އެންމެ ވަރުގަދަކޮށް ފެންނަނީ ވެސް އެ ޓީމެވެ. އެ ޓީމު ގްރޫޕްގެ އެއްވަނައިގައި އޮތީ 12 ޕޮއިންޓާއެކުއެވެ. އަދި މީދޫ އާއި ކުޑަހުވަދޫ ބައްދަލުކުރި މެޗުގެ ނަތީޖާއާއެކު، މިވަގުތު ދެވަނައިގައި އޮތީ މީދޫއެވެ. އެއީ 7 ޕޮއިންޓާއެކުއެވެ. ނަމަވެސް ގްރޫޕްގެ ދެވަނައަށް ޖެހިލުމުގެ ފުރުސަތު ދިއްދޫއަށް ވެސް އެބައޮތެވެ. އެ ފުރުސަތު ހޯދުމަށް ދިއްދޫއިން ޖެހޭނީ ގްރޫޕް ސްޓޭޖުގެ އެންމެ ފަހު މެޗުގައި ފަރެސްމާތޮޑާ ބަލިކުރާށެވެ. އެ މެޗު ކުޅެން ތާވަލުކޮށްފައި ވަނީ މިރެއެވެ.

މިއަދުގެ މެޗުގެ ހުރިހާ ގޯލެއް ފަހު ހާފުގައި ފެނިގެން ގޮސްފައިވާއިރު، މެޗުގައި ފުރަތަމަ ލީޑު ނެގީ ވެސް މީދޫއެވެ. އެ ޓީމަށް ލިބުނު ޕެނަލްޓީއަކުން މި ގޯލު ކާމިޔާބުކޮށްދިނީ މުޒުދާން ހަސަންއެވެ.

މީދޫ ޓީމަށް ލީޑު ފުޅާކޮށްދިނީ މެޗު ނިމެން 8 މިނެޓަށްވެފައި ވަނިކޮށް، ދިއްދޫ މެޗުގައި މީދޫގެ ދެ ގޯލު ކާމިޔާބުކޮށްދިން އިބްރާހިމް އިމްރާނެވެ. އޭނާ ވަނީ ގްރޫޕް ފޭސް-1 ގައި ޖުމްލަ 5 ގޯލު ކާމިޔާބުކޮށްފައެވެ. 

ކުޑަހުވަދޫގެ ހަމައެކަނި ގޯލު ފެނިގެން ގޮސްފައިވަނީ މެޗުގެ ފަހު މިނެޓުގައެވެ. އެ ޓީމަށް މި ގޯލު ކާމިޔާބުކޮށްދިނީ މުހަންމަދު ޔާމީނެވެ. 

މުބާރާތުގެ ދެވަނަ ބުރުގެ މެޗުތައް ފެށުމަށް ހަމަޖެހިފައިވަނީ އަންނަ ހޯމަ ދުވަހުއެވެ. ދެވަނަ ބުރުގެ ފުރަތަމަ މެޗުގައި އެ ދުވަހުގެ ހަވީރު ބައްދަލުކުރާނީ ފުވައްމުލަކު ސިޓީއާއި ތިމަރަފުއްޓެވެ. 

ދެވަނަ ބުރުން ފަހަނައަޅާ މުބާރާތުގެ ކުއާޓާ ފައިނަލަށް ދަތުރުކުރާނީ ކޮންމެ ގްރޫޕަކުން ދެ ޓީމެވެ. ކުއާޓާ ފައިނަލްގެ މެޗުތައް 17 އަދި 18 ޑިސެންބަރުގައި ކުޅުމަށް ހަމަޖެހިފައިވާއިރު، މުބާރާތުގެ ފައިނަލް ކުޅޭނީ 22 ޑިސެންބަރުގައެވެ.

މި ލިޔުން ކިޔާލުމުން

Ads by MSS