ޔޫއޭއީއާއެކު ވިޔަފާރިއާއި ފަތުރުވެރިކަމުގެ ދާއިރާއިން ގުޅުން ބަދަހިކުރަން މަޝްވަރާކޮށްފި

އެކުވެރި އަރަބި އިމާރާތް (ޔޫއޭއީ) އާއި ދިވެހިރާއްޖެއާ ދެމެދު ވިޔަފާރިއާއި ފަތުރުވެރިކަން ހިމެނޭހެން ގިނަ ދާއިރާތަކަކުން ގުޅުން އިތުރަށް ބަދަހިކުރުމާ ގުޅޭގޮތުން މަތީ ފެންވަރުގެ މަޝްވަރާތަކެއް ބާއްވައިފިއެވެ.

މި މަޝްވަރާތައް ކުރިއަށްދިޔައީ ރާއްޖެއިން ޔޫއޭއީއަށް ކަނޑައަޅުއްވާފައި ހުންނަވާ ސަފީރު ތޯރިގް އިބްރާހިމް، އެ ގައުމުގެ މިނިސްޓަރ އޮފް އިކޮނޮމީ އެންޑް ޓޫރިޒަމް އަބްދުﷲ ބިން ޠޫޤް އަލް މާރީއާ ބައްދަލުކުރައްވައި ކުރިއަށް ގެންދެވި ބައްދަލުވުމުގައެވެ.

I met with H.E. Abdulla bin Touq Al Marri, UAE Minister of Economy and Tourism, for wide‑ranging discussions on boosting bilateral trade and tourism, advancing shared economic interests, and exploring new pathways to further enhance the strong ties between the Maldives and the… pic.twitter.com/hWOJpjPqcW

— Thoriq Ibrahim (@Thoriqibrahim) September 7, 2026

ސަފީރު ތޯރިގް އިބްރާހިމް ވިދާޅުވީ، މި ބައްދަލުވުމުގައި ދެ ގައުމުގެ ދެމެދުގައި ވިޔަފާރިއާއި ފަތުރުވެރިކަން ކުރިއެރުވުމަށާއި، ދެ ގައުމުގެ އިގްތިސާދީ ލަނޑުދަނޑިތައް ހާސިލުކުރުމަށްޓަކައި ގުޅުން ބަދަހިކުރުމާ ބެހޭގޮތުން ފުޅާ ދާއިރާއެއްގައި ވާހަކަދެކެވުނު ކަމަށެވެ. އަދި ދެ ގައުމުގެ ގުޅުން އިތުރަށް ވަރުގަދަކުރުމަށް އާ ފުރުސަތުތައް ހޯދުމާ ގުޅޭގޮތުންވެސް މަޝްވަރާ ކުރެވުނު ކަމަށް އެމަނިކުފާނު ފާހަގަކުރެއްވިއެވެ.

ޔޫއޭއީއަކީ ރާއްޖޭގެ ފަތުރުވެރިކަމުގެ މާކެޓުގައި މުހިންމު ހިއްސާއެއް އަދާކުރަމުން އަންނަ ގައުމެކެވެ. މިގޮތުން މިދިޔަ މަހުގެ ނިޔަލަށް ޔޫއޭއީން ރާއްޖެއަށް 3،100 އަށްވުރެ ގިނަ ފަތުރުވެރިން ވަނީ ޒިޔާރަތްކޮށްފައެވެ.