އެމްއެމްއޭގެ ބޯޑުން ޕްރައިވެޓް ސެކްޓަރުގެ 2 ޑިރެކްޓަރުން ވަކިކޮށްފި

މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ޑިރެކްޓަރުންގެ ބޯޑުގައި ޕްރައިވެޓް ސެކްޓަރ ތަމްސީލްކުރައްވާ ދެ ޑިރެކްޓަރުން މަޤާމުން ވަކިކޮށްފިއެވެ. މި ދެ ޑިރެކްޓަރުންނަކީ މޯލްޑިވްސް އެސޯސިއޭޝަން އޮފް ޓުއަރިޒަމް އިންޑަސްޓްރީގެ ޑެޕިއުޓީ ސެކްރެޓަރީ ޖެނެރަލް އައްސަދު އަލީ އާއި މޯލްޑިވްސް އިންޓަނޭޝަނަލް އާބިޓްރޭޝަން ސެންޓަރުގެ ޗެއާމަން މުހައްމަދު ޝަހުދީ އަންވަރެވެ.

އެމްއެމްއޭއިން މި ދެ ބޭފުޅުން ވަކިކުރި ސަބަބެއް މިހާތަނަށް ހާމަކޮށްފައެއް ނުވެއެވެ. އެމްއެމްއޭގެ ބޯޑުގައި ޖުމްލަ 6 މެންބަރުން ހިމެނެއެވެ. މީގެ ތެރޭގައި ޤަވަރުނަރާއި، ޑެޕިއުޓީ ގަވަރުނަރާއި، އެމްއެމްއޭ ތަމްސީލްކުރައްވާ ބޭފުޅަކާއި، ފިނޭންސް މިނިސްޓްރީގެ ބޭފުޅެއްގެ އިތުރުން ޕްރައިވެޓް ސެކްޓަރުން ކަނޑައަޅާ ދެ ބޭފުޅުން ހިމެނެއެވެ.