ތ. ގުރައިދޫ އެއާޕޯޓަށް ބިން ހިއްކުމާއި ގޮނޑުދޮށް ހިމާޔަތްކުރުމުގެ މަޝްރޫޢުގެ 82 އިންސައްތަ ނިމިއްޖެ

ތ. ގުރައިދޫ އެއާޕޯޓް ތަރައްޤީކުރުމަށްޓަކައި ކުރިއަށްގެންދާ ބިން ހިއްކުމާއި ގޮނޑުދޮށް ހިމާޔަތްކުރުމުގެ މަޝްރޫޢުގެ ޖުމްލަ 82 އިންސައްތަ މަސައްކަތް ނިމިއްޖެއެވެ.

މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ އިން އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫޢުގެ ދަށުން، މިހާރު ކުރިއަށްދަނީ ބޮޑުހިލައިގެ ރިވެޓްމަންޓް ޖެހުމާއި ޖިއޯ ބޭގް ރިވެޓްމަންޓް އެޅުމުގެ މަސައްކަތްތަކެވެ. މި މަޝްރޫޢުގެ ބިން ހިއްކުމުގެ އޮޕަރޭޝަންތައް މީގެ ކުރިން ވަނީ އެއްކޮށް ނިންމާލާފައެވެ.

Project Update: Land Reclamation and Shore Protection for Development of Th. Guraidhoo Airport

Rock boulder revetment and geo bag revetment works are ongoing. Overall project progress is 82%.

Follow more updates at: https://t.co/RjAFCf3rnI #MTCCProjects #TeamMTCC… pic.twitter.com/TLXI0Bx7nz

— MTCC Plc (@MTCCPlc) September 14, 2026

ޖުމްލަ 106.02 މިލިއަން ރުފިޔާ ގެ މި މަޝްރޫޢުގެ ދަށުން 13.80 ހެކްޓަރު (378،350 ކިއުބިކް މީޓަރު) ގެ ބިން ހިއްކުމާއި، 979 މީޓަރުގެ ބޮޑުހިލައިގެ ރިވެޓްމަންޓް ޖެހުމުގެ އިތުރުން 609 މީޓަރުގެ ޖިއޯ-ބޭގް ރިވެޓްމަންޓް ޤާއިމުކުރުމުގެ މަސައްކަތް ހިމެނެއެވެ.

މި މަޝްރޫޢުގެ ބިން ހިއްކުމާއި ގޮނޑުދޮށް ހިމާޔަތްކުރުމުގެ މަސައްކަތް ނިމުމުން، އެއާޕޯޓުގެ ޢަމަލީ އިމާރާތްކުރުމުގެ މަސައްކަތްތައް ކުރިއަށްގެންދިއުމަށް ހަމަޖެހިފައިވަނީ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އާ ހަވާލުކޮށްގެންނެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ 26 ޖުލައި 2027 ގެ ނިޔަލަށް ގުރައިދޫ އެއާޕޯޓް ހުޅުވުމަށް އަމާޒު ހިފާފައެވެ.