ރެހެންދި ސްކޫލުގެ ސްކައުޓުންނަށް މޫދާއި ތިމާވެށީގެ ހޭލުންތެރިކަން އިތުރުކުރުމަށް  ޚާއްޞަ ސެޝަނެއް ބާއްވައިފި

މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ (އެމްއޯސީސީއީއީ) އިން ރެހެންދި ސްކޫލުގެ ސްކައުޓުންނަށް އަމާޒުކޮށްގެން ތިމާވެށީގެ ހޭލުންތެރިކަން އިތުރުކުރުމުގެ އިންޓަރެކްޓިވް ސެޝަނެއް ބާއްވައިފިއެވެ.

މި ސެޝަންގައި ދިވެހިރާއްޖޭގެ ކަނޑުގެ ވެށްޓާއި، އެ ވެށްޓަށް ކުރިމަތިވެފައިވާ ނުރައްކާތަކާ ބެހޭ ގޮތުން މަޢުލޫމާތު ދީފައިވެއެވެ. މީގެ ތެރޭގައި ކެމިކަލް ތަކުގެ ސަބަބުން ކުރިމަތިވާ ތަޣައްޔަރުވުމާއި، މިފަދަ މައްސަލަތައް ކުޑަކުރުމަށް އެމްއޯސީސީއީއީ އާއި އީޕީއޭ އިން އަޅަމުންދާ ފިޔަވަޅުތަކާ ބެހޭ މަޢުލޫމާތު ހިއްސާކޮށްފައިވެއެވެ.

އަދި ތިމާވެށީގެ ގޮންޖެހުންތަކާ ކުރިމަތިލުމުގައި މައްސަލަ ހައްލުކުރުމުގެ ހުނަރާއި، ޢަމަލީ ގޮތުން ހައްލު ހޯދުމުގެ މުހިންމުކަން ވަނީ އޮޅުންފިލުވައިދީފައެވެ. މިގޮތުން ދިމާވާ ހަޤީޤީ މައްސަލަތަކަށް ހައްލު ހޯދުމުގެ މަސައްކަތްތަކެއް ވެސް ކުރިއަށް ގެންގޮސްފައިވެއެވެ.

މީގެ އިތުރުން، ދިވެހިރާއްޖޭގައި ކުނި މެނޭޖްކުރުމުގެ މިހާރުގެ ހާލަތާއި، އެކަމާ ގުޅޭ ސްޓްރެޓެޖީތަކާ ބެހޭ މަޢުލޫމާތު ވެސް ދަރިވަރުންނާ ހިއްސާކޮށްފައިވެއެވެ. އަދި ކުނި ވަކިކުރުމާއި، ކުނީގެ އޮޑިޓެއް ހެދުމުގެ ޢަމަލީ ތަޖުރިބާ ވެސް ދަރިވަރުންނަށް ލިބިފައިވެއެވެ.

މި ސެޝަނަކީ ކަނޑުގެ ދިރުންތައް ރައްކާތެރިކުރުމާއި، ދެމެހެއްޓެނިވި ގޮތެއްގައި ކުނި މެނޭޖްކުރުމަށް ޒުވާން ޖީލު ބާރުވެރިކުރުވުމަށް އެޅުނު މުހިންމު ފިޔަވަޅެއް ކަމުގައި މިނިސްޓްރީން ފާހަގަކޮށްފައިވެއެވެ.

The Ministry of Climate Change, Environment, and Energy conducted an interactive awareness session with the scouts of Rehendhi School, focusing on:
✅ Understanding the Maldives’ marine environment, threats to it; such as chemical pollution, and the actions by the MoCCEE and… pic.twitter.com/osAnlGfPjQ

— Min. of Climate Change, Environment and Energy (@MoEnvmv) December 7, 2024