ސްޓެލްކޯއިން އައްޑޫ އަދި ތިނަދޫ ސިޓީގެ ޔުޓިލިޓީ ހިދުމަތުގެ ސާވޭ ފަށައިފި

އައްޑޫ ސިޓީ އަދި ތިނަދޫ ސިޓީގެ ޔުޓިލިޓީ ހިދުމަތުގެ ހާލަތު ދެނެގަތުމަށް ހަދަންޖެހޭ ސާވޭގެ މަސައްކަތް ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ފަށައިފިއެވެ.

ސްޓެލްކޯއިން ވިދާޅުވީ މުޅި ރާއްޖެއަށް ޔުޓިލިޓީ ހިދުމަތް ފޯރުކޮށްދިނުމުގެ މަސައްކަތް އެ ކުންފުންޏާ ހަވާލުކުރެއްވުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނިންމެވުމާ ގުޅިގެން، އަލަށް ހަވާލުވާ ރަށްރަށުގެ ހާލަތު ދެނެގަތުމުގެ ސާވޭތައް މިހާރު ކުރިއަށްދާ ކަމަށެވެ. އެގޮތުން، އެ ކުންފުނީގެ ޓީމުތަކުން މިހާރު ދަނީ އައްޑޫ ސިޓީ އަދި ތިނަދޫ ސިޓީގެ ޔުޓިލިޓީ ހިދުމަތްތަކުގެ ސާވޭގެ މަސައްކަތްތައް ފުރިހަމަކުރަމުންނެވެ.

މުޅި ރާއްޖެއަށް ޔުޓިލިޓީ ޚިދުމަތް ފޯރުކޮށްދިނުމުގެ މަސައްކަތް މި ކުންފުންޏާ ޙަވާލުކުރެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމެވުމާ ގުޅިގެން، އަލަށް ޙަވާލުވާ ރަށްރަށުގެ ޙާލަތު ދެނެގަތުމުގެ ސާރވޭތައް މިހާރު ދަނީ ކުރެވެމުން. އެގޮތުން، މި ކުންފުނީގެ ޓީމުތަކުން… pic.twitter.com/ZB0yYnDKvy

— STELCO (@STELCOMALDIVES) September 17, 2026

ފެނަކަ ކޯޕަރޭޝަނުން ކުރިން ހިދުމަތް ދެމުން އައި އެ ރަށްތައް ސްޓެލްކޯގެ ދަށަށް ބަދަލުކޮށްފައިވަނީ ސަރުކާރުން ރައްޔިތުންނަށް ދެމުން ގެންދާ ހިދުމަތްތައް އިތުރަށް ތަރައްގީ ކުރުމުގެ ނިޒާމަށް ރައީސް ޑރ. މުހައްމަދު މުއިއްޒު ގެންނަވަމުންދާ ހެޔޮ ބަދަލުތަކުގެ ތެރެއިންނެވެ.

ދެ އަތޮޅެއްގެ ރަށްތަކުގެ ޔުޓިލިޓީ ހިދުމަތްތައް ސްޓެލްކޯއާ ހަވާލުކޮށްފައިވާއިރު، ހުޅުމާލެ ދެވަނަ ފިޔަވަހީގެ ކަރަންޓު ނެޓްވޯކާ ވެސް އެ ކުންފުނިން ވަނީ ހަވާލުވެފައެވެ.