ވިލުންތެރި ގެދޮރު ބިނާކުރުމާ ބެހޭ އަތްމަތީ ފޮތް ތުރާކުރުނުގައި އިފްތިތާޙު ކޮށްފި

ވިލުންތެރި ގެދޮރު ބިނާކުރުމާ ބެހޭ އަތްމަތީ ފޮތް ހއ.ތުރާކުރުނުގައި އިފްތިތާޙު ކޮށްފިއެވެ. 

ހއ.ތުރާކުރުނުގައި އެފޮތް އިފްތިތާޙު ކޮށްފައިވަނީ ޑިސެމްބަރު 7 ވަނަ ދުވަހުއެވެ. ތުރާކުރުގައި އެފޮތް އިފްތިތާޙް ކޮށްދެއްވައިފައިވަނީ ސިޓީ ތަކާއި އިދާރީ ދާއިރާތައް ހިންގުމާއި ޢާންމު މަސައްކަތާއި ބެހޭ ވުޒާރާގެ ސްޓޭޓް މިނިސްޓަރ މުޙައްމަދު މާހިރާއި، ތުރާކުނު ކައުންސިލްގެ ރައީސް ޢަބްދުލް ލަތީފެވެ.

މީގެއިތުރުން މިރަސްމިއްޔާތުގައި އިމާރާތްކުރުމާ ބިނާރާބެހޭ ވުޒާރާގެ ސްޓޭޓް މިނިސްޓަރ އިބްރާހިމް ނަޒީމާއި، އެވުޒާރާގެ ނައިބު އަޙްމަދު ފަޒީލާއި، ހަސަން ވިސާލާއި، އެވުޒާރާގެ ޕީއޭ މުހައްމަދު ޝާމިލާއި، ސަރުކާރުގެ އޮފީސްތަކުގެ އިސް އޮފިޝަލުންނާއި، ގޭގޭގެ ވެރިންނާއި، ކޮންޓްރެކްޓަރުން ބައިވެރިވެވަޑައިގެންނެވިއެވެ.

މި އަތްފޮތަކީ ސަރުކާރުގެ އިދާރާތަކާއި، އަމިއްލަ ފަރާތްތަކާއި، އާންމުންގެ ތެރެއިން ގިނަ އަދަދެއްގެ ސްޓޭކްހޯލްޑަރުންގެ މުހިންމު އިންޕުޓާއެކު ޢިމާރާތްކުރުމާ ބިނާރާ ބެހޭ ވުޒާރާ އާއި ވޯލްޑް ބޭންކް ގުޅިގެން ތައްޔާރުކޮށްފައިވާ ފޮތެކެވެ.

 މި ރަސްމިއްޔާތުގައި ވޯލްޑް ބޭންކުގެ ސީނިއާ ހައުސިން ސްޕެޝަލިސްޓް ޑާއޯ އެޗް ހެރިސަން އާއި ރަޔާން ޕްރައިވެޓް ލިމިޓެޑުގެ ފާތިމަތު ރަޝީދު ވަނީ މި ގައިޑްގެ މުހިންމުކަމާއި ފައިދާތަކުގެ އިތުރުން މި އަތްފޮތް އެކުލަވާލުމުގެ ޕްރޮސެސްއަށް އަލިއަޅުވާލައްވާފައެވެ.