Ads by Exprox

ޚަބަރު

ކެލިގްރަފީ ދާއިރާއިން އާދަޔާޚިލާފު ފަންނުވެރިކަން ދައްކާލި، ނާއިޝްއާއި ވަޒީރު ޝަހީމް ބައްދަލުކުރައްވައިފި

ކެލިގްރަފީ ދާއިރާއިން އާދަޔާޚިލާފު ފަންނުވެރިކަން ދައްކާލި، ނާއިޝްއާއި ވަޒީރު ޝަހީމް ބައްދަލުކުރައްވައިފި

ޑރ ޝަހީމް ނާއިޝް އާއި ބައްދަލުކުރެއްވުން. ފޮޓޯ: އިސްލާމީ ވުޒާރާ

ޙަސްނާ އަޙްމަދް

ޙަސްނާ އަޙްމަދް

08 ޑިސެމްބަރު 2024، 11:56

08 ޑިސެމްބަރު 2024، 11:56

ކީރިތި ޤުރުއާން ލިޔުމާއި ކެލިގްރަފީ ދާއިރާއިން އާދާޔާ ޚިލާފު ފަންނުވެރިކަން ދައްކާލި ހުސެއިން ނާއިޝްއާއި އޭނާގެ ބެލެނިވެރިންނާއި އިސްލާމީ ކަންތައްތަކާ ބެހޭ ވަޒީރު ޑރ މުޙައްމަދު ޝަހީމް ޢަލީ ސަޢީދު ބައްދަލުކުރައްވައިފިއެވެ. 

މިބައްދަލުކުރެއްވުމަށް ފަހު އިސްލާމީ ވަޒީރު ޑރ ޝަހީމް ވިދާޅުވެފައިވަނީ ނާއިޝް އެދުނު ގޮތަށް، މި ދާއިރާއިން އޭނާއަށް ބޭނުންވާ އިތުރު ހުނަރު ދަސްކޮށް ދިނުމަށް އިސްލާމީ ވުޒާރާއިން އެހީތެރިވާނެ ކަމަށެވެ. އަދި ނާއިޝް ސްކޫލް ނިމުމުން، ޤުރުއާން މަރުކަޒު ތެރޭގައި މި ހުނަރު އެހެން ކުދިންނަށް ދަސްކޮށްދިނުމަށް އޭނާއާ މަސައްކަތްތަކެއް ޙަވާލު ކުރާނެކަމަށްވެސް ވަޒީރު ޝަހީމް ވިދާޅުވިއެވެ. 

މީގެއިތުރުން ރާއްޖޭގައި މި އަންނަ އަހަރު ހުޅުވާ އައްޑޫ އިސްލާމިކް ސެންޓަރާއި ހިތަދޫ އިސްލާމިކް ސެންޓަރާއި ފުވައްމުލައް ސިޓީގެ ޤުރުއާން މަރުކަޒުގައި ނާއިޝްގެ އިސްލާމިކް ކެލިގްރަފީގެ ފަންނުވެރި ލިޔުންތައް ބެހެއްޓޭނެކަމަށްވެސް ވަޒީރު ޝަހީމް ވިދާޅުވިއެވެ. 

އިސްލާމިކް ކެލިގްރަފީ ހެދުމަށް ބޭނުންވާ އެންމެހައި ޒަމާނީ ވަސީލަތްތައް ނާއިޝް އަށް ފޯރުކޮށްދެވޭނެ ކަމަށާއި މި ދާއިރާއިން އިތުރު ހުނަރު އޭނާއަށް ދަސްކޮށްދިނުމަށް ދާއިރާގެ ފަންނުވެރިޔަކު ހަމަޖައްސައިދެއްވާނެ ކަމަށްވެސް އިސްލާމީ ވަޒީރު ޑރ ޝަހީމް ވަނީ ވިދާޅުވެފައެވެ.

އިސްލާމީ ދާއިރާތަކުން ކުރިއަށް ދާން ޝައުޤު ހުރި މިފަދަ ހުރިހައި ކުދިންނަށް މި ފުރުޞަތު އޮންނާނެކަމަށް ވަޒީރު ޑރ ޝަހީމް ވަނީ ވިދާޅުވެފައެވެ.

 

މި ލިޔުން ކިޔާލުމުން

Ads by MSS