ހިންމަފުށީ އެފްއާރުސީ މަޝްރޫއުގެ ދަށުން ބިން އެއްވަރުކުރުމުގެ މަސައްކަތް ފަށައިފި

ކ. ހިންމަފުށީ އެފްއާރުސީ މަޝްރޫއުގެ ދަށުން ބިން އެއްވަރުކުރުމާއި ކޮމްޕެކްޓް ކުރުމުގެ މަސައްކަތް ފަށާފައިވާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)އިން ވިދާޅުވެއްޖެއެވެ.

އެމްޓީސީސީއިން މިކަން ހާމަކުރެއްވީ، މަޝްރޫއުގެ އަދާހަމަ ހިއްސާކުރައްވަމުން އެކްސްގައި ކުރެއްވި ޕޮސްޓެއްގެ ޒަރިއްޔާއިންނެވެ.

މި މަޝްރޫއުގެ އެއްބަސްވުމުގައި އެ ކުންފުނިން ޒުވާނުން ބާރުވެރިކުރުވުމާއި ކުޅިވަރާއި ހަށިހެޔޮކަމާ ބެހޭ ވުޒާރާއާއެކު ސޮއިކޮށްފައި ވަނީ 16 އޮކްޓޯބަރު 2025 ވަނަ ދުވަހުއެވެ. އެ އެއްބަސްވުމުގެ ދަށުން 10 ރަށެއްގައި 11 މަޝްރުއެއް ހިންގުމަށް ވަނީ އެމްޓީސީސީއާ ހަވާލުކޮށްފައެވެ.

Project Update: Development of Fitness and Recreation Centre at K. Hinmafushi

Compaction and leveling works are currently ongoing at the project site.

Follow more updates at: https://t.co/RjAFCf3rnI#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/YG0Xeb9VVn

— MTCC Plc (@MTCCPlc) September 23, 2026

ހަށިހެޔޮ، ދުޅަހެޔޮ އަދި ހަރަކާތްތެރި މުޖުތަމައުތަކެއް ބިނާކުރުމަށްޓަކައި ރާއްޖޭގެ ކޮންމެ ރަށެއްގައި ވެސް މިފަދަ ވަސީލަތްތައް ގާއިމުކުރުމަކީ ސަރުކާރުން ޚާއްޞަ އިސްކަމެއް ދެއްވައިގެން ކުރިއަށްގެންދަވާ މުހިންމު ސިޔާސަތެކެވެ. އެގޮތުން، ދެ އަހަރު ދުވަހުގެ ތެރޭގައި ރާއްޖޭގެ ހުރިހާ ރަށެއްގައި ފިޓްނަސް އެންޑް ރެކްރިއޭޝަން ސެންޓަރުތައް އިމާރާތްކޮށް ނިންމައި، ރައްޔިތުންނަށް އެތަންތަނުގެ ޚިދުމަތް ލިބޭނެ މަގު ފަހިކޮށްދިނުމަކީ ސަރުކާރުގެ މުހިންމު އަމާޒެކެވެ.