މަސްވެރިކަމާ ބެހޭ ވަޒީރު ޝިޔާމް، އެފްއޭއޯގެ މަންދޫބާ ބައްދަލުކުރައްވައިފި

މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙްމަދު ޝިޔާމް، ފުޑް އެންޑް އެގްރިކަލްޗަރ އޯގަނައިޒޭޝަން (އެފްއޭއޯ) އިން ދިވެހިރާއްޖެއާއި ސްރީލަންކާއަށް ކަނޑައަޅުއްވާފައި ހުންނަވާ މަންދޫބު ވިމްލެންދްރަ ޝަރަން އާ ބައްދަލުކުރައްވައިފިއެވެ.

މި ބައްދަލުވުން ބާއްވާފައިވަނީ "އެ ހޮލިސްޓިކް އެޕްރޯޗް ޓު އެގްރިކަލްޗަރަލް ފުޑް ސިސްޓަމްސް ރެޒިލިއަންސް އެންޑް އެޑެޕްޓޭޝަން" މަޝްރޫޢު އިފްތިތާޙު ކުރުމަށް އެފްއޭއޯގެ މަންދޫބު މިހާރު ރާއްޖެއަށް ކުރައްވަމުން ގެންދަވާ ދަތުރުފުޅުގެ ތެރެއިންނެވެ.

މި ބައްދަލުވުމުގައި މައިގަނޑު ގޮތެއްގައި މަޝްވަރާކުރެވުނީ މަސްވެރިކަމާއި، ދަނޑުވެރިކަމުގެ އިތުރުން އެކުއާކަލްޗަރގެ ދާއިރާތައް ހަރުދަނާކޮށް ކުރިއެރުވުމަށްޓަކައި މިހާރު ކުރިއަށްދާ ގުޅިފައިވާ މަސައްކަތްތަކާއި، ވަސީލަތްތައް ހޯދައި ބޭނުންކުރުމާ ބެހޭގޮތުންނެވެ.

Minister @Shiyamaldives met with FAO Representative for Sri Lanka and the Maldives, Vimlendra Sharan, who is visiting the Maldives to inaugurate the project "A Holistic Approach to Agricultural Food Systems Resilience and Adaptation." The meeting focused on ongoing collaborative… pic.twitter.com/scfTf377qR

— Min of Fisheries, Agriculture and Ocean Resources (@MFAORmv) September 23, 2026

މީގެއިތުރުން، ސްޓްރެޓީޖިކް ޕާޓްނަރޝިޕްތަކާއި އިންވެސްޓްމަންޓްތައް މެދުވެރިކޮށް ދެމެހެއްޓެނިވި ތަރައްޤީއާއި، ކާބޯތަކެތީގެ ރައްކާތެރިކަން ކަށަވަރުކުރުމަށާއި، މޫސުމީ ބަދަލުތަކަށް ހޭނުމުގެ އިތުރުން ރައްޔިތުންގެ ދިރިއުޅުމުގެ ހާލަތު ރަނގަޅުކުރުމަށް ދިވެހި ސަރުކާރާއި އެފްއޭއޯ ގުޅިގެން ކުރަމުންދާ މަސައްކަތްތަކުގެ އަޒުމް މި ބައްދަލުވުމުގައި ވަނީ އައުކޮށްފައެވެ.