ކޫއްޑޫގައި ރާވައިގެން ހަދާ އިމާރާތުގެ ބޮޑު ބައެއް ނިމިއްޖެ

ގއ. ކޫއްޑޫގައި ރާވައިގެން ހަދަމުންދާ އިމާރާތުގެ ޖުމްލަ 66 އިންސައްތަ މަސައްކަތް ނިމިފައިވާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ހާމަކޮށްފިއެވެ.

އެމްޓީސީސީން ހާމަކޮށްފައިވާ މަޢުލޫމާތުގައިވާ ގޮތުން، މިހާރު ސައިޓުގައި ކުރިއަށްދަނީ ޓޭންކްތަކާއި ޕަމްޕް ސެޓް ފައުންޑޭޝަންގެ ކޮންކްރީޓް މަސައްކަތްތަކެވެ. މި މަޝްރޫޢުގެ ބައުންޑަރީ ވޯލް ކޮންކްރީޓް މަސައްކަތްތައް މިހާރު ކުރިއަށްދާއިރު، މަޝްރޫޢުގެ 66 އިންސައްތަ މަސައްކަތް ވަނީ ފުރިހަމަކޮށްފައެވެ.

Project Update: Installation of Prefabricated Building at Ga. Kooddoo

Tanks and Pump set Foundation concrete works are ongoing. Overall project progress is 66%.

Follow more updates at: https://t.co/RjAFCf3rnI #MTCCProjects #TeamMTCC #RayyithungeKunfuni… pic.twitter.com/Agpl3eT5oc

— MTCC Plc (@MTCCPlc) September 27, 2026

މި މަޝްރޫޢުގައި ހިމެނެނީ ގއ. ކޫއްޑޫގެ އިންޑަސްޓްރިއަލް ސަރަޙައްދުގައި ހަދާ އެ އިމާރާތާއި، އެއާ ގުޅުންހުރި ސިވިލް މަސައްކަތްތަކެވެ. މިއީ ކޫއްޑޫ ފިޝަރީޒް ކޮމްޕްލެކްސް އަދި ކޫއްޑޫ ބަނދަރު ތަރައްޤީކުރުމުގެ މަޝްރޫޢާ ގުޅިފައިވާ، އެ ރަށުގެ އިންފްރާސްޓްރަކްޗަރ ވަރުގަދަކުރުމަށް އެޅޭ މުހިންމު ފިޔަވަޅެކެވެ.

މި މަޝްރޫޢުގެ މަސައްކަތްތައް އެމްޓީސީސީގެ ޓީމުތަކުން ހުއްޓުމެއްނެތި ބާރަށް ކުރިއަށްގެންދަމުންދާ ކަމަށް އެ ކުންފުނިން މަޢުލޫމާތުދެއެވެ.