ގދ. ގައްދޫ ހޮސްޕިޓަލް: މިހާރު ކުރިއަށްދަނީ ސަބް-ސްޓްރަކްޗަރ މަސައްކަތްތައް

މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ތަރައްޤީކުރަމުން އަންނަ ގދ. ގައްދޫ އައު ހޮސްޕިޓަލް ޢިމާރާތުގެ ސަބް-ސްޓްރަކްޗަރ މަސައްކަތްތައް ބާރަށް ކުރިއަށްދާ ކަމަށް އެ ކުންފުނިން ހާމަކޮށްފިއެވެ.

މިނިސްޓްރީ އޮފް ހެލްތުގެ ފަރާތުން އެމްޓީސީސީއާ ޙަވާލުކޮށްގެން ކުރިއަށްގެންދާ މި މަޝްރޫޢަކީ 101.70 މިލިއަން ދިވެހި ރުފިޔާ (ގާތްގަނޑަކަށް 6.6 މިލިއަން އެމެރިކާ ޑޮލަރު) ގެ އަގުހުރި މަޝްރޫޢެކެވެ. މި މަޝްރޫޢުގެ އަމަލީ މަސައްކަތް ނިންމުމަށް ކަނޑައަޅާފައިވަނީ 600 ދުވަހުގެ މުއްދަތެކެވެ.

Project Update: Construction of Gdh. Gadhdhoo Hospital

Sub-structural works are ongoing.

Follow more updates at: https://t.co/RjAFCf3rnI#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/bW7xttVFo3

— MTCC Plc (@MTCCPlc) September 28, 2026

ގައްދޫ ހޮސްޕިޓަލް މަޝްރޫޢުގެ ދަށުން ތިން މައިގަނޑު ބްލޮކެއް ޤާއިމުކުރުމަށް ވަނީ ހަމަޖެހިފައެވެ. އޭގެ ތެރޭގައި ހިމެނެނީ:

•  ހެލްތުކެއަރ ބްލޮކް: 30 އެނދުގެ ޖާގައާއެކު ދެ ފަންގިފިލާއަށް އިމާރާތްކުރެވޭ، 18،613 އަކަފޫޓުގެ މެޑިކަލް ފެސިލިޓީއެކެވެ.
•  ސަރވިސް ބްލޮކް: 2،563 އަކަފޫޓުގެ އެއް ފަންގިފިލާގެ ސަރވިސް އިމާރާތެކެވެ.
•  އެކޮމޮޑޭޝަން ބްލޮކް: މުވައްޒަފުންގެ އެކޮމޮޑޭޝަނަށް ޚާއްޞަކޮށްގެން ހަދާ 3،573 އަކަފޫޓުގެ ދެ ފަންގިފިލާގެ ޢިމާރާތެކެވެ.

ގާތްގަނޑަކަށް 2،700 މީހުންގެ އާބާދީއެއް އޮންނަ ގައްދޫގެ ރައްޔިތުން މިހާރު ޞިއްޙީ ޚިދުމަތް ހޯދަމުން އަންނަނީ އެ ރަށު ސިއްޙީ މަރުކަޒުންނެވެ. މި އައު ހޮސްޕިޓަލް ނިމި ޚިދުމަތް ދޭން ފެށުމުން، ސަރަޙައްދީ ފެންވަރުގައި ޚާއްޞަ ޞިއްޙީ ޚިދުމަތްތައް ފުޅާވެ، އިތުރު ފަރުވާއަށް މާލެއަށާއި ކައިރި އަތޮޅުތަކަށް ދަތުރުކުރަންޖެހޭ މިންވަރު ވަރަށް ބޮޑަށް މަދުވެގެންދާނެއެވެ.