ވެލިދޫ ޖޫނިއަރ ކޮލެޖްގެ 70 އިންސައްތަ މަސައްކަތް ނިމިއްޖެ

ނ. ވެލިދޫ ޖޫނިއަރ ކޮލެޖްގެ 70 އިންސައްތަ މަސައްކަތް ނިމިފައިވާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)އިން ވިދާޅުވެއްޖެއެވެ.

މި މަޝްރޫއާ ގުޅޭ އެންމެ ފަހުގެ މައުލޫމާތު ހިއްސާކުރެއްވުމަށް އެކްސްގައި ހިއްސާކުރެއްވި ޕޯސްޓެއްގައި އެ ކުންފުނިން ވިދާޅުވީ، މަޝްރޫއުގެ ދަށުން މިހާރު ކުރިއަށްދަނީ، ކަރަންޓު ވަޔަރިންގ އަދި ނަރުދަމާގެ މަސައްކަތްތައް ކަމަށެވެ. އަދި މުޅި ޕްރޮޖެކްޓްގެ 70 އިންސައްތަ ވަނީ ނިފައި ކަމަށެވެ. 

މަޝްރޫއުގެ ދަށުން، 2 ކްލާސްރޫމާއި، 1 އައި.ސީ.ޓީ ލެބާއި، 1 ލައިބްރަރީ ބިނާކުރެވިގެންދާނެ ކަމަށް އެމްޓީސީސީން ވިދާޅުވެއެވެ. އަދި ތަފާތު އެކި ދާއިރާތަކުން ވޮކޭޝަނަލް ޕްރޮގްރާމްތައް ހިންގުމަށް މަލްޓިޕާޕަސް ވޯކްޝޮޕްތައް ވެސް ތަރައްޤީ ކުރެވިގެންދާނެއެވެ.

Project Update: Construction of a junior college at N. Velidhoo

Electrical wiring and sewerage works are ongoing. Overall project progress is 70%.

Follow more updates at: https://t.co/RjAFCf3rnI#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/8NmDnVmQpT

— MTCC Plc (@MTCCPlc) September 28, 2026

ވެލިދޫ ޖޫނިއަރ ކޮލެޖު  ސަރުކާރުން ތަރައްގީކުރަނީ، 11.91 މިލިއަން ރުފިޔާ ހަރަދުކުރައްވައިގެނެވެ. ރާއްޖޭގެ އެކި އަތޮޅުތަކުގައި މަތީ ތައުލީމާއި ހުނަރު ތަރައްގީީކުރުމުގެ ދޮރުތައް ހުޅުވައިދިނުމަށާއި، ހާއްސަގޮތެއްގައި މަސައްކަތްތެރިކަމުގެ ދާއިރާއިން ދެވޭ ތަމްރީނުތައް އިތުރަށް ފުޅާކުރުމަށްޓަކައި މި ސަރުކާރުން ގިނަގުނަ މަސައްކަތްތަކެއް ކުރަމުން ގެންދަވައެވެ.

މި މަޝްރޫއު އެމްޓީސީސީއާ ހަވާލުކުރެވިގެން ކުރިއަށްދާއިރު، އެ ކުންފުނިން  އަންނަނީ ރާއްޖޭގެ ތަރައްގީއަށް ބޮޑެތި ހިއްސާތަކެއް ވަމުންނެވެ. ރާއްޖޭގެ އެކިއެކި ރަށްރަށުގައި އެ ކުންފުނިން، އެ ރަށްރަށުގެ ތަރައްގީއަށް ކުރަމުން އަންނަ މަސައްކަތްތައް ފާހަގަކޮށްލެވެއެވެ. މީގެ ތެރޭގައި ހިމެނޭ ގަނަ ޕްރޮޖެކްޓުތަކަކީ އަދުގެ ސަރުކާރުގެ އިސްނެންގެވުމުގެ ދަށުން އެ ކުންފުންޏާއި ހަވާލުކުރެވިގެން ކުރިއަށްދާ ޕްރޮޖެކްޓުތަކެކެވެ.