މަޑިފުށީ ފިޓްނަސް ސެންޓަރުގެ މަސައްކަތް: މިހާރު ކުރިއަށްދަނީ ފައުންޑޭޝަން އެޅުން

ތ. މަޑިފުށީގައި ތަރައްޤީކުރަމުން އަންނަ ފިޓްނަސް އެންޑް ރެކްރިއޭޝަން ސެންޓަރުގެ ފައުންޑޭޝަން ފުޓިންގ އަދި ޕެޑެސްޓަލް ކޮލަމްގެ މަސައްކަތްތައް ބާރަށް ކުރިއަށްދާ ކަމަށް އެ މަޝްރޫޢުގެ ކޮންޓްރެކްޓަރ، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ހާމަކޮށްފިއެވެ.

މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަންގެ ފަރާތުން އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫޢުގެ ޢަމަލީ މަސައްކަތް ރަސްމީކޮށް ފަށާފައިވަނީ 2025 ވަނަ އަހަރުގެ ސެޕްޓެމްބަރު މަހުގެ 23 ގައެވެ. މިހާރު ސައިޓުގައި ކުރިއަށްދަނީ އިމާރާތުގެ ބިންގަލުގެ މުހިންމު ސްޓްރަކްޗަރަލް މަސައްކަތްތަކެވެ.

Project Update: Development of Fitness and Recreation Center at Th. Madifushi

Foundation footing and pedestal column works are ongoing.

Follow more updates at: https://t.co/RjAFCf3rnI #MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/c74zCEisny

— MTCC Plc (@MTCCPlc) September 29, 2026

މި ސެންޓަރު ތަރައްޤީކުރުމުގެ ކުރިން، މި މަޝްރޫޢުގެ ދަށުން މަޑިފުށީގައި ޤާއިމުކުރި އައުޓްޑޯ ޖިމްގެ ސާމާނު ސަޕްލައިކޮށް އިންސްޓޯލްކުރުމުގެ މަސައްކަތް ވަނީ އެއްކޮށް ނިންމާލެވިފައެވެ. މިއީ ރަށުގެ ރައްޔިތުންނަށް ދުޅަހެޔޮ ޞިއްޙަތެއް ކަށަވަރުކޮށްދިނުމަށްޓަކައި އެޅުނު މުހިންމު ފިޔަވަޅެކެވެ.

މި މަޝްރޫޢަކީ ރާއްޖޭގެ މީހުން ދިރިއުޅޭ ހުރިހާ ރަށެއްގައި ޒަމާނީ ފެންވަރުގެ ކުޅިވަރާއި ކަސްރަތު ކުރެވޭނެ ވަސީލަތްތައް ޤާއިމުކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެންގުޅުއްވާ ސިޔާސަތުގެ ދަށުން ކުރިއަށްގެންދާ މަސައްކަތެކެވެ. ސަރުކާރުގެ އަމާޒަކީ 2027 ވަނަ އަހަރުގެ ނޮވެމްބަރު މަހުގެ ނިޔަލަށް ރާއްޖޭގެ މީހުން ދިރިއުޅޭ ހުރިހާ ރަށެއްގައި ފިޓްނަސް އެންޑް ރެކްރިއޭޝަން ސެންޓަރުތައް ޤާއިމުކޮށް ނިންމުމެވެ.