ނައިފަރުން ހޯދަމުން ދިޔަ ކުޑަ ކުއްޖާ ގެއެއްގެ ތެރޭގައި ހުއްޓާ ފެނިއްޖެ

ޅ. ނައިފަރުން 17 އަހަރުގެ ކުޑަކުއްޖަކު ގެއްލިގެން، އެ ކުއްޖާ ހޯދުމުގެ މަސައްކަތް ފުލުހުން ކުރަމުން ދަނިކޮށް، އެ ރަށުގެ ގެއެއްގެ ތެރޭގައި ހުއްޓާ ފެނިއްޖެއެވެ.

ފެނުނު އިރު އޭނާގެ ހާލު ރަނގަޅުކަމަށް ފުލުހުން މައުލޫމާތު ދެއެވެ.

ފުލުހުން މިއަދު ވިދާޅުވީ ނައިފަރުން ގެއްލިގެން ހޯދަމުން ދިޔައީ އެ ރަށު ނޫކަނޑު، މުޙައްމަދު އަޙްޔާން ޙުސައިން ކަމަށެވެ. އަޙްޔާން ގެއްލިގެން ނައިފަރު ޕޮލިސް ސްޓޭޝަނަށް ރިޕޯޓުކޮށްފައިވަނީ އިއްޔެ ހަވީރު 5:30 ހާއިރު ކަމަށް ފުލުހުން މައުލޫމާތު ދެއެވެ.

އާއިލާއާ ހަވާލާދީ ފުލުހުން ބުނެފައިވަނީ، އަޙްޔާން ހޯދަން ފެށީ މި މަހުގެ 27 ވަނަ ދުވަހުގެ ފަހުން އޭނާ ފެނިފައި ނުވާތީ ކަމަށެވެ.