ލ. ކުނަހަންދޫ އައުޓްޑޯ ވޮލީ ކޯޓުގެ ޕީވީސީ ފެންސިންގ މަސައްކަތްތައް ކުރިއަށްދަނީ

ލ. ކުނަހަންދޫގައި ތަރައްޤީކުރަމުން އަންނަ އައުޓްޑޯ ވޮލީ ކޯޓުގެ ޕީވީސީ ފެންސިންގ ޖެހުމުގެ މަސައްކަތްތައް ބާރަށް ކުރިއަށްދާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ހާމަކޮށްފިއެވެ.

މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަންގެ ފަރާތުން އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫޢުގެ ދަށުން، ކުނަހަންދޫގައި އައުޓްޑޯ ވޮލީ ކޯޓެއްގެ އިތުރުން ފިޓްނަސް އެންޑް ރެކްރިއޭޝަން ސެންޓަރެއް ޤާއިމުކުރުމަށް ވަނީ ހަމަޖެހިފައެވެ. މި މަޝްރޫޢަކީ ރަށު ފެންވަރުގައި ކުޅިވަރާއި ދުޅަހެޔޮކަމުގެ ވަސީލަތްތައް އިތުރަށް ހަރުދަނާކުރުމުގެ މަޤްޞަދުގައި ކުރިއަށްގެންދާ މަސައްކަތެކެވެ.

މި މަޝްރޫޢުގެ އެއްބަސްވުމުގައި ސްޕޯޓްސް މިނިސްޓްރީގެ ފަރާތުން ސޮއިކުރެއްވީ މިނިސްޓަރ ޢަބްދުﷲ ރާފިޢުއެވެ. އަދި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ ޑީސީޕީ (ރިޓަޔަރޑް) އަޙްމަދު ސަޢުދީއެވެ. މި އެއްބަސްވުމުގައި ސޮއިކުރެވިފައިވަނީ 2025 ވަނަ އަހަރުގެ އޮކްޓޫބަރު މަހުގެ 20 ވަނަ ދުވަހުއެވެ.

Project Update: Construction of Outdoor Volley Court at L. Kunahandhoo

PVC fencing works are in progress.

Follow more updates at: https://t.co/RjAFCf3rnI #MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/vYwS13PA1q

— MTCC Plc (@MTCCPlc) September 30, 2026

މަޝްރޫޢުގެ ޢަމަލީ މަސައްކަތްތައް ސައިޓުގައި މިހާރު ކުރިއަށްދާއިރު، އެންމެ ފަހުގެ އަދާހަމައަށް ބަލާއިރު މިހާރު ކުރިއަށްދަނީ ވޮލީ ކޯޓުގެ ވަށައިގެން ޕީވީސީ ފެންސް ޖެހުމުގެ މަސައްކަތްތަކެވެ. މި މަޝްރޫޢު ނިމުމުން ކުނަހަންދޫގެ ޒުވާނުންނަށާއި ކުޅިވަރަށް ލޯބިކުރާ ފަރާތްތަކަށް ޒަމާނީ ފެންވަރުގެ ވޮލީ ކޯޓަކާއި ފިޓްނަސް ވަސީލަތްތައް ލިބިގެންދާނެ ކަމަށް ގިނަ ބަޔަކު ދެކެއެވެ.