Ads by Exprox

ޚަބަރު

ސައިބަރ ކްރައިމްގެ ޢަމަލުތައް ކުށުގެ ގޮތުގައި ކަނޑައެޅުމަށް ޤާނޫނަށް ގެނައި އިސްލާޙް ފާސްކޮށްފި

ސައިބަރ ކްރައިމްގެ ޢަމަލުތައް ކުށުގެ ގޮތުގައި ކަނޑައެޅުމަށް ޤާނޫނަށް ގެނައި އިސްލާޙް ފާސްކޮށްފި

ރައްޔިތުންގެ މަޖިލީހުގެ މިއަދުގެ ޖަލްސާގައި މަޖިލީހުގެ ރައީސް. ފޮޓޯ: މަޖިލިސް

ޙަސްނާ އަޙްމަދް

ޙަސްނާ އަޙްމަދް

09 ޑިސެމްބަރު 2024، 08:55

09 ޑިސެމްބަރު 2024، 08:55

ސައިބަރ ކްރައިމްގެ ޢަމަލުތައް ކުށުގެ ގޮތުގައި ކަނޑައެޅުމަށް ޤާނޫނުލްއުޤޫބާތަށް ގެނައި އިސްލާޙް ރައްޔިތުންގެ މަޖިލީހުން ފާސްކޮށްފިއެވެ.

މި ބިލު ރައްޔިތުންގެ މަޖިލީހުން ފާސްކޮށްފައިވަނީ ވޯޓުގައި ބައިވެރިވެވަޑައިގެންނެވި 58 މެންބަރުންގެ ވޯޓާއެކުއެވެ.

ސައިބަރ ކްރައިމްއާއި ގުޅޭ މިފަދަ އިސްލާޙެއް ޤާނޫނުލްޢުޤޫބާތަށް ގެނައުމަށް ބިލެއް ރައްޔިތުންގެ މަޖިލީހަށް ހުށައެޅުއްވީ މާފުށީ ދާއިރާގެ މެންބަރު ހުސައިން ރިޟާ އާދަމެވެ. މި ބިލުގެ ފުރަތަމަ ކިޔުން އިއްވާފައިވަނީ މިދިޔަ ޖުލައި މަހުގެ 3 ވަނަ ދުވަހުއެވެ.

މި އިސްލާޙުގައި ވަނީ ޤާނޫނުލްޢުޤޫބާތަށް ބާބެއް އިތުރު ކުރުމަށެވެ. އެގޮތުން 240 ވަނަ ބާބުގެ ގޮތުގައި ކޮމްޕިއުޓަރު އަދި ކޮމްޕިއުޓަރާ ގުޅުންހުރި ކުށްތައް ވަނީ ބަޔާންކޮށްފައެވެ.

މި އިސްލާޙުގެ ދަށުން ހުއްދަނެތި ކޮމްޕިއުޓަރ ސިސްޓަމަކަށް އެކްސެސްވުމާއި ހުއްދަނެތި ކޮމްޕިއުޓަރ ޑޭޓާ އިންޓަރސެޕްޓް ކުރުމާއި އިންޓަފިއަރ ކުރުމާއި ނަހަމަގޮތުގައި ޑިވައިސްތައް ބޭނުންކުރުން ކުށެއްގެ ގޮތުގައި ބެލެވޭނެއެވެ.

މިގެއިތިުރުން ސައިބަރ ވަޔަލަންސްގެ ޢަމަލުތަކާއި ކޮމްޕިއުޓަރާ ގުޅުންހުރި ފޯޖަރީގެ ޢަމަލުތަކާއި އޮޅުވާލުމުގެ އަމަލުތަކާއި ކޮޕީރައިޓާ އެއާގުޅޭ އެހެނިހެން ޙައްޤުތަކަށް އަރައިގަތުމަކީވެސް ކުށުގެ ގޮތުގައި ބެލެވޭނެއެވެ.

ކޯޓު އަމުރެއްގެ ދަށުން ނުވަތަ ޤާނޫނަކުން ބާރު ލިބިގެން ދޫކޮށްފައިވާ ހުއްދައެއްގެ ދަށުން ހުއްދަ ނެތި ކޮމްޕިއުޓަރ ސިސްޓަމަކަށް އެކްސެސްވުން ކުށެއްގެ ގޮތުގައި ނުބެލެވޭނެ ކަމަށްވެސް މި އިސްލާޙުގައި ވަނީ ބަޔާންކޮށްފައެވެ.

ސައިބަރ ވަޔަލަންސްގެ އަމަލުތަކުގެ ގޮތުގައި އިސްލާހުގައި ބަޔާންކޮށްފައިވާ ކަންކަން:

  • ކޮމްޕިއުޓަރ ސިސްޓަމެއް މެދުވެރިކޮށް ކުޑަކުދިންގެ އޮރިޔާން ކާޑު ޝާއިޢުކުރުން
  • ކޮމްޕިއުޓަރ ސިސްޓަމެއް މެދުވެރިކޮށް ޝާއިޢުކުރުމަށްޓަކައި ކުޑަކުދިންގެ އޮރިޔާން ކާޑު އުފެއްދުން
  • ކޮމްޕިއުޓަރ ސިސްޓަމެއް ނުވަތަ ކޮމްޕިއުޓަރ ޑޭޓާ ސްޓޯރެޖް މީޑިއަމެއްގައި ކުޑަކުދިންގެ އޮރިޔާން ކާޑު ބަހައްޓައި ބިރުދެއްކުން ގެއްލުމެއް ދިނުމުގެ ނިޔަތުގައި އޮރިޔާންކާޑު އާންމުކުރުން
  •  ސައިބަރ ސްޓޯކްކުރުން

މިއަދު މަޖިލީހުން ފާސްކުރި އިސްލާޙުތަކާ އެއްގޮތަށް ޤާނޫނުތައް ބަދަލުވާނީ މި އިޞްލާޙުތައް ރައީސުލްޖުމްހޫރިއްޔާ ތަޞްދީޤުކުރެއްވުމުންނެވެ.

ޤާނޫނުލްއުޤޫބާތައް މިގެނައި ބަދަލުގެ ސަބަބުން ގިނަވެފައިވާ ސައިބަރ ކުށްތައް ހުއްޓުވޭނެ ކަމުގެ އުންމީދު މިވަނީ އައުވެފައެވެ. މިހާރަކަށް އައިސް ރާއްޖޭގައި ސައިބަރ ކުށްތަކަށް އަރައިގަންނަ މިންވަރު ވަނީ ވަރަށް ބޮޑުތަނުން އިތުރުވެފައެވެ.

މި ލިޔުން ކިޔާލުމުން

Ads by MSS