ބިލެތްފަހީ ބަނދަރު މަޝްރޫއު: ނެރުގެ ބޭރުތޮށީގެ މަސައްކަތްތައް ބާރަށް ކުރިއަށްދަނީ

ށ. ބިލެތްފަހީ ބަނދަރު ހެދުމުގެ މަޝްރޫއުގެ ދަށުން ބޭރުތޮށީގެ މަސައްކަތްތައް ބާރަށް ކުރިއަށްދާ ކަމަށް މޯލްޑިވްސް ޓްރާންސްޕޯޓް އެންޑް ކޮންސްޓްރަކްޝަން ކޮމްޕެނީ (އެމްޓީސީސީ) އިން ވިދާޅުވެއްޖެއެވެ.

މި މަޝްރޫއާ ގުޅޭ އެންމެފަހުގެ އަދާހަމަ ހިއްސާކުރެއްވުމަށް އެކްސްގައި ކުރެއްވި ޕޯސްޓެއްގައި އެ ކުންފުނިން ވިދާޅުވީ، މިހާރު ކުރިއަށްދަނީ ނެރުގެ ބްރޭކްވޯޓާ ނެގުމާއި އަދި އެތަން އަލުން އެއްވަރުކޮށް، މަރާމާތު ކުރުމުގެ މަސައްކަތް ކަމަށެވެ.

Project Update: Design and Build of Harbor Upgrade in Sh. Bilehfahi

Channel breakwater dismantling and reprofiling works are ongoing.

Follow more updates at: https://t.co/RjAFCf3rnI#MTCCProjects #TeamMTCC #RayyithungeKunfuni #GaumuBinaakurumugaaMTCC pic.twitter.com/MioAiKlrR8

— MTCC Plc (@MTCCPlc) October 1, 2026

ބިލެތްފަހީގެ ބަނދަރު އަޕްގްރޭޑް ކުރުމުގެ މަޝްރޫއުގެ 93 އިންސައްތަ ނިމިފައިވާކަން  ބިނާރާއި ގެދޮރުވެރިކަމާއި އުމްރާނީ ތަރައްޤީއާ ބެހޭ ވުޒާރާއިން  ވަނީ މިދިޔަ ޖުލައި މަހުގެ ތެރޭގައި ހާމަކުރައްވާފައެވެ.

މަޝްރޫއުގެ ދަށުން، އައު ބަނދަރާއި ނެރުފުންކުރުމުގެ މަސައްކަތާއި، ބޭރުތޮށި ޖެހުމުގެ މަސައްކަތާއި، ކީވޯލް ޖެހުމުގެ މަސައްކަތާއި، ރިވެޓްމެންޓް ޖެހުމުގެ މަސައްކަތް ކުރިއަށްގެންދިއުމަށް ވަނީ ހަމަޖެހިފައެވެ. އަދި މީގެ އިތުރުން، މޫރިންގ ބްލޮކްސް ހަރުކުރުމާއި، ރޭމްޕެއްލުމާއި، ޕޭވްމްނަޓުލުމުގެ އިތުރުން، ބަނދަރުގައި ލައިޓު ހަރުކުރުމުގެ މަސައްކަތް ވެސް އެމްޓީސީސީއާއި ހަވާލުކުރެވިފައިވެއެވެ.

ބިލެތްފަހީގެ ބަނދަރު އަޕްގްރޭޑް ކުރުމުގެ މަޝްރޫއު އެމްޓީސީސީއާއި ހަވާލުކޮށްފައިވަނީ 47.09 މިލިއަން ރުފިޔާގެ އަގަކަށެވެ.

އެ ރަށުގެ ބަނދަރު ޖާގައިގެ ގޮތުން ކުޑަވުމުގެ ސަބަބުން، އުޅަނދުފަހަރަށް އެކި ކަހަލަ ދަތިތައް ކުރިމަތިވަމުން ދިޔައެވެ. އަދި އެ ބަނދަރަށް  ވަދެ ނުކުތުމަށް ވެސް އެކި ކަހަލަ ދަތިތައް ދިމާވަމުންދިޔައެވެ. ސަރުކާރުން ބަނދަރު އަޕްގްރޭޑް ކުރުމުގެ މަސައްކަތް ފަށާފައިވަނީ، މި މައްސަލަތައް ހައްލުކުރުމުގެ ގޮތުންނެވެ.