Ads by Exprox

ޚަބަރު

އޮފީހަކުން ވައްކަންކުރި މީހަކު ހައްޔަރުކޮށްފި

އޮފީހަކުން ވައްކަންކުރި މީހަކު ހައްޔަރުކޮށްފި

ރ. އަލިފުށި / ހަބީބީހަޕް، އިސްމާޢީލް ސާއިފް (39 އަހަރު)

އާމިނަތު ޔުމްނާ

އާމިނަތު ޔުމްނާ

10 ޑިސެމްބަރު 2024، 12:25

10 ޑިސެމްބަރު 2024، 12:25

ހ. ފިލިމާގޭ ގްރައުންޑް ފްލޯގައި ހުންނަ އޮފީހަކުން ވައްކަންކޮށްފައިވާ މައްސަލައެއް ރިޕޯޓުކޮށްފައިވާކަމަށް ފުލުހުން މަޢުލޫމާތު ދީފިއެވެ. މި މައްސަލަ ރިޕޯޓުކޮށްފައިވަނީ ޑިސެމްބަރު 9 ވަނަ ދުވަހުގެ ހެނދުނުގެ ވަގުތެއްގައެވެ.

މި މައްސަލައާ ގުޅިގެން ރ. އަލިފުށި / ހަބީބީހަޕް، އިސްމާޢީލް ސާއިފް (39 އަހަރު) އިއްޔެ ވަނީ ހައްޔަރުކޮށްފައެވެ. އޭނާ އެ އޮފީހުން ވަގަށް ނެގިކަމަށް ބެލެވޭ 2 ލެޕްޓޮޕް، 2 އައިފޯން، އިއަރޕޮޑް އަދި އަތުކުރީ ގަޑި ހޯދައި ވެރިފަރާތާ ވަނީ ހަވާލުކޮށްފައެވެ.

މި މައްސަލައާ ގުޅިގެން އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 15 ދުވަހަށް ބަންދުކުރުމަށް ވަނީ އަމުރުކޮށްފައެވެ.

ފުލުހުންގެ ފަރާތުން މަޢުލޫމާތު ދިންގޮތުގައި މި މައްސަލަ ފުލުހުން ގެންދަނީ ތަޙުޤީޤު ކުރަމުންނެވެ.
 

މި ލިޔުން ކިޔާލުމުން

Ads by MSS