ފަޅު ރަށަކަށް ގޮސް އުޅެނިކޮށް ހާލުދެރަވި މީހަކު ނިޔާވެއްޖެ

ގއ. ކޮލަމާފުށި ކައިރީގައި އޮންނަ ފަޅުރަށަކަށް ގޮސް އުޅެނިކޮށް ހާލު ދެރަވި މީހަކު ހޮސްޕިޓަލަށް ގެންދިޔަ ފަހުން ނިޔާވެއްޖެއެވެ.

ފުލުހުން ވިދާޅުވި ގޮތުގައި، ކޮލަމާފުށި ކައިރީގައި އޮންނަ ފަޅުރަށެއް ކަމަށްވާ ކަޅެހުއްޓާއަށް ގޮސް އުޅެނިކޮށް ހާލު ދެރަވެގެން، މިއަދު 14:30 ހާއިރު ގއ. އަތޮޅު ހޮސްޕިޓަލަށް ގެންދިޔަ މީހަކު ނިޔާވެފައިވާ ކަމުގެ މައުލޫމާތު އެ ހޮސްޕިޓަލުން ވަނީ ފުލުހުންނަށް ރިޕޯޓްކޮށްފައެވެ.

މި ހާދިސާގައި ނިޔާވެފައިވަނީ ގއ. ކޮލަމާފުށި، އުދަރެސް، އަޙްމަދު މިސްޙާޤު (45އ) އެވެ.

އޭނާ ހާލު ދެރަވާން މެދުވެރިވި ސަބަބެއް އަދި ސާފުވެފައި ނުވި ނަމަވެސް، މި މައްސަލައާ ގުޅިގެން ބަލަންޖެހޭ ކަންކަން ފުލުހުން ގެންދަނީ އިތުރަށް ތަހުގީގު ކުރަމުންނެވެ.