ޤާނޫނުތަކާ ޚިލާފަށް މީހުން މެރުމަށް ގޮވާލުމަކީ ވަރަށް ޒިންމާދާރުކަން ކުޑަ ޢަމަލެއް: ވަޒީރު އިޙްސާން

ޤާނޫނުތަކާ ޚިލާފަށް މީހުން މެރުމަށް ގޮވާލުމަކީ ވަރަށް ޒިންމާދާރުކަން ކުޑަ ޢަމަލެއް ކަމަށް ދާޚިލީ ސަލާމަތާ ފަންނިއްޔާތާ ބެހޭ ވަޒީރު ޢަލީ އިޙްސާން ވިދާޅުވެއްޖެއެވެ. 

ވަޒީރު އިޙްސާން މިހެން ވިދާޅުވީ އެމްޑީޕީގެ ޗެއަރޕާސަން ފައްޔާޒް އިސްމާޢިލް އެޕާޓީގެ ނޫސްވެރިންގެ ބައްދަލުވުމެއްގައިި ދެއްކެވި ވާހަކަފުޅު ކުށްވެރިކުރައްވައި އެކްސްގައި ކުރެއްވެވި ޕޯސްޓެއްގައެވެ. 

ފައްޔާޒް އިސްމާޢިލް ވިދާޅުވެފައިވަނީ ރައީސުލްޖުމްހޫރިއްޔާ ގެއްލުންވާ އުސޫލުން ކަންކަން ކުރައްވާނަމަ ކުރީގެ ރައީސް މުޙައްމަދު އަމީނާއި މެދު ކަންކުރި ގޮތައް ކަންކުރަން ޖެހޭ ކަމަށެެވެ. އަދި އެނޫން ގޮތެއް އޮތްތޯ އޭނާ ވަނީ ސުވާލު ކުރައްވައިފައެވެ. 

ވަޒީރު އިޙްސާން ވިދާޅުވެފައިވަނީ ރާއްޖެއަކީ ހިޔާލުފާޅުކުރުމުގެ މިނިވަންކަން ނުހަނު ފުޅާކޮށް ކަށަވަރުކޮށްދޭ ޤައުމެއް ކަމަށެވެ. ނަމަވެސް މި ހައްޤުގެ ބޭނުންކުރަންވާނީ ޒިއްމާދާރުކަމާއިއެކު ކަމަށް އެމަނިކުފާނު ދެކެވަޑައިގަންނަވާ ކަމަށް ވަޒީރު އިޙްސާން ވަނީ ވިދާޅުވެފައިވެއެވެ.

<blockquote class="twitter-tweet"><p lang="dv" dir="rtl">ރާއްޖެއަކީ ހިޔާލުފާޅުކުރުމުގެ މިނިވަންކަން ނުހަނު ފުޅާކޮށް ކަށަވަރުކޮށްދޭ ޤައުމެއް.. ނަމަވެސް މި ހައްޤުގެ ބޭނުންކުރަންވާނީ ޒިއްމާދާރުކަމާއިއެކު ކަމަށް އަޅުގަނޑު ދެކެން. ވަކިން ހާއްސަކޮށް ދައުލަތުގެ އިސް މަގާމުތައް ފުރުއްވާފައިވާ ބޭފުޅުން އަދި ސިޔާސީ ޕާޓީތަކުގެ ވެރިންނަކީ… <a href="https://t.co/mUTrP2hmYe">pic.twitter.com/mUTrP2hmYe</a></p>&mdash; Minister of Homeland Security &amp; Technology (@min_mohst) <a href="https://twitter.com/min_mohst/status/1866197621796385247?ref_src=twsrc%5Etfw">December 9, 2024</a></blockquote> <script async src="https://platform.twitter.com/widgets.js" charset="utf-8"></script>

ވަޒީރު އިޙްސާން ވިދާޅުވެފައިވަނީ ވަކިން ހާއްސަކޮށް ދައުލަތުގެ އިސް މަޤާމުތައް ފުރުއްވާފައިވާ ބޭފުޅުން އަދި ސިޔާސީ ޕާޓީތަކުގެ ވެރިންނަކީ މިކަންކަމުގައި ނަމޫނާ ދައްކަވަންޖެހޭ ބޭފުޅުން ކަމުގައި ދެކެވަޑައިގަންނަވާ ކަމަށެެވެ. ޤާނޫނުތަކާއި ޚިލާފަށް މީހުން މެރުމަށާއި އަނިޔާވެރިވުމަށް ގޮވާލުމަކީ ވަރަށް ޒިއްމާދާރުކަންކުޑަ ޢަމަލެއް ކަަމަށް ވަޒީރު އިޙްސާން ވަނީ ވިދާޅުވެފައެވެ.