ގޫގުލްގެ އާ ކޮއެންޓަމް ޗިޕް "ވިލޯ" ތަޢާރަފުކޮށްފި - އެތައްގުނައެއް އަވަސް

ގޫގުލްއިން އެ ކުންފުނީގެ އައު ކޮއެންޓަމް ޗިޕް "ވިލޯ" ތަޢާރަފުކޮށްފިއެވެ. މި ޗިޕަކީ މިހާރު ދުނިޔޭގެ އެންމެ ހަލުވި ސުޕަރ ކޮމްޕިއުޓަރަށް 10 ސެޕްޓިލިއަން އަހަރު (10،000،000،000،000،000،000،000،000 އަހަރު) ނަގާނެ މައްސަލައެއް 5 މިނެޓުން ހައްލުކުރެވޭނެ ޗިޕެއް ކަމަށް ގޫގުލްއިން ބުނެފައިވެއެވެ.

މި ޗިޕަކީ ކޮއެންޓަމް ކޮމްޕިއުޓިންގ ދާއިރާގައި އެންމެ ފަހުން ކުރެވުނު ތަރައްޤީއެކެވެ. ކޮއެންޓަމް ކޮމްޕިއުޓިންގއަކީ ޕާޓިކަލް ފިޒިކްސްގެ އުސޫލުތައް ބޭނުންކޮށްގެން ވަރަށް ބާރު ސްޕީޑެއްގައި މަސައްކަތްކުރާ އައު ބާވަތެއްގެ ކޮމްޕިއުޓަރެއް އުފެއްދުމަށް މަސައްކަތްކުރާ ދާއިރާއެކެވެ.

ގޫގުލްއިން ބުނެފައިވާ ގޮތުގައި "ވިލޯ" ޗިޕުގައި މުހިންމު "ކުރިއެރުންތަކެއް" ހިމެނިފައިވާ ކަމަށާއި، މި ޗިޕަކީ "ބޭނުންތެރި، ބޮޑު ސްކޭލެއްގެ ކޮއެންޓަމް ކޮމްޕިއުޓަރަކަށް މަގުފަހިކޮށްދޭ" އެއްޗެއް ކަމަށެވެ.

ނަމަވެސް، މާހިރުން ބުނާ ގޮތުގައި "ވިލޯ" އަކީ މިހާރަށް ގިނަ ފަހަރަށް ތަޖުރިބާކުރުމަށް ބޭނުންކުރެވޭ އާލާތެއް ކަމަށާއި، ދުނިޔޭގެ އެކި ކަންކަމުގައި ބޭނުންކުރެވޭ ފަދަ ބާރު ކޮއެންޓަމް ކޮމްޕިއުޓަރެއް ތައްޔާރުކުރުމަށް އަދިވެސް އެތައް އަހަރަކާއި ބިލިއަން ޑޮލަރުތަކެއް ހޭދަވާނެ ކަމަށެވެ.