އިންޑޮނޭޝިޔާގައި ބިންގަނޑު ކަނޑައިގެން ދިޔަ ސަރަހައްދުން މަރުވެފައިވާ 10 މީހެއްގެ ހަށިގަނޑު ހޯދައިފި

އިންޑޮނޭޝިޔާގައި ބިންގަނޑު ކަނޑައިގެން ދިޔަ ސަރަހައްދުން މަރުވެފައިވާ 10 މީހެއްގެ ހަށިގަނޑު ހޯދައިފިކަމަށް އަލްޖަޒީރާއިން ރިޕޯޓު ކޮށްފިއެވެ. 

އަލްޖަޒީރާގައި ބުނެފައިވަނީ އިންޑޮނޭޝިޔާގެ މައި ޖަޒީރާ ޖާވާގެ ފަރުބަދަމަތީ ރަށްތަކަށް އައި ތޫފާނުގެ ސަބަބުން މަރުވި  10މީހެއްގެ ހަށިގަނޑު މީހުން ސަލާމަތްކުރާ ރެސްކިޔު ޓީމަށް ފެނިފައިވާ ކަމަށެވެ.

މިދިޔަ ހަފްތާއިން ފެށިގެން ބޯކޮށް ވާރޭވެހި ކޯރުތަކުގެ އައްސޭރީގެ ބިންގަނޑު ފަޅައިގެން ގޮސް، ހުޅަނގު ޖާވާ ޕްރޮވިންސްގެ ސުކަބޫމީ ޑިސްޓްރިކްޓްގެ 170 އަށް ވުރެ ގިނަ ރަަށުގެ ބިންގަނޑު ފަޅައިގެން ގޮސްފައިވާ ކަމަށެވެ. 

މީގެއިތުރުން ފަރުބަދަމަތީގެ ރަށްތަކުން ކުންޏާއި ހިލަތަކާއި ގަސްތައް ވެއްޓި ރެސްކިޔު ޓީމުތަކަަށް ހަރަކާތްތެރިވާން ދަތިވެފައިވާ ކަމަށް ރެސްކިޔު ކޮމާންޑްގެ އިސްވެރިޔާ ލެފްޓިނެންޓް ކާނަލް ޔޫޑީ ހަރިޔަންޓޯ އެވެ ސުކަބޫމީ، ހޯމަ ދުވަހު ބުނެފައިވެއެވެ. 

ބިންހެލުމާއި ފެންބޮޑުވެ ބިންގަނޑު ކަނޑައިގެންދިޔުމާއި ބާރު ވައިގެ ސަބަބުން 172 ރަށެއް ފަނާވެ، 3،000 އަށް ވުރެ ގިނަ މީހުން ސަރުކާރުގެ ވަގުތީ ހިޔާތަކަށް ބަދަލުވާން މަޖުބޫރުވެފައިވާ ކަމަށް ހަރިޔަންޓޯ ވިދާޅުވެފައިވެއެވެ.

 މޫސުން ގޯސްވުމުގެ ސަބަބުން 400 އަށް ވުރެ ގިނަ ގޭގޭގައި އުޅެން ނުރައްކާވެފައިވާތީ ކަމާބެހޭ ފަރާތްތަކުން ވަނީ ގާތްގަނޑަކަށް 1،000 މީހުން އެގޭގެއިން ދިޔުމަށް އިންޒާރުދީފައެވެ.

އަދި މިކާރިސާގައި 31 ބްރިޖާއި 81 މަގާއި 539 ހެކްޓަރ (1،332 އަކަފޫޓު) ގެ ދަނޑުބިން ހަލާކުވެފައިވާއިރު، 1،170 ގެ ފުރާޅާ ހަމައަށް ފެންބޮޑުވެފައިވާ ކަމަށް އަލްޖަޒީރާގައި ބުނެފައިވެއެވެ. 

 އަދި އިންތިހާއަށް މޫސުން ގޯސްވުމުގެ ސަބަބުން އިތުރު 3300 އަށް ވުރެ ގިނަ ގެއާއި އިމާރާތްތަކަށް ވެސް ގެއްލުންވެފައިވާ ކަމަށް އިންޑޮނޭޝިޔާގެ ކަމާބެހޭ ފަރާތްތަކުން ވަނީ ބުނެފައެވެ. 

މިދިޔަ މަހު އިންޑޮނޭޝިޔާގެ އުތުރު ސުމަޓްރާ ޕްރޮވިންސްގައި ހިނގި ފެންބޮޑުވުމާއި އާއި ބިންގަނޑު ކަނޑައިގެން ދިޔުމުގެ ހާދިސާގައި 29 މީހުން މަރުވެފައިވެ އެވެ.