ވިޔަފާރި / ޚަބަރު

އުރީދޫއިން ޙައްޖު ކޯޕަރޭޝަނަށް ޒަމާނީ ކޮންޓެކްޓް ސެންޓަރެއް ޤާއިމްކޮށްދީފި

އުރީދޫއިން ޙައްޖު ކޯޕަރޭޝަނަށް ޒަމާނީ ކޮންޓެކްޓް ސެންޓަރެއް ޤާއިމްކޮށްދީފި

އުރީދޫއިން ޙައްޖު ކޯޕަރޭޝަނަށް ކޮންޓެކްޓް ސެންޓަރެއް ޤާއިމުކުރުމަށް ބޭއްވި ރަސްމިއްޔާތުގެ ތެރެއިން ފޮޓޯ: އުރީދޫ

އާމިނަތު ޔުމްނާ

އާމިނަތު ޔުމްނާ

11 ޑިސެމްބަރު 2024، 02:09

11 ޑިސެމްބަރު 2024، 02:09

އުރީދޫ މޯލްޑިވްސްއިން މޯލްޑިވްސް ޙައްޖު ކޯޕަރޭޝަނަށް ޒަމާނީ ކޮންޓެކްޓް ސެންޓަރ ސޮލިއުޝަނެއް ޤާއިމްކޮށްދީފިއެވެ. މި ސެންޓަރަކީ ޙައްޖާޖީންނަށް މެދުނުކެނޑި މުޢާމަލާތްކުރުމާއި، ފެންވަރު ރަނގަޅު ޚިދުމަތެއް ފޯރުކޮށްދިނުމަށް އެކުލަވާލެވުނު ސެންޓަރެކެވެ.

މި އެޑްވާންސް ކޮންޓެކްޓް ސެންޓަރުގެ ޚިދުމަތްތަކުގެ ތެރޭގައި ކޯލް ކިއުކުރުމާއި، ސްކިލް ބޭސްޑް ރޫޓިންއާއި، ރިއަލް ޓައިމް މޮނިޓަރިން އަދި ކޯލް ރެކޯޑިންގ ހިމެނެއެވެ. މީގެ އިތުރުން، މި ސިސްޓަމަކީ ކަސްޓަމަރުންގެ އިންކުއަރީތައް ހަރުދަނާކޮށް ބެލެހެއްޓުމާއި، ޚިދުމަތުގެ ފެންވަރު ރަނގަޅު ގޮތުގައި ހިފެހެއްޓުމުގެ ފުރުސަތު ފަހިކޮށްދޭ ނިޒާމެކެވެ.

އުރީދޫ މޯލްޑިވްސްގެ މެނޭޖިންގ ޑިރެކްޓަރ އަދި ޗީފް އެގްޒެކެޓިވް އޮފިސަރ ޚާލިދު ޙަމާދީ ވިދާޅުވީ، ޙައްޖުކޯޕަރޭޝަނުން ޙައްޖަށް ދާ ފަރާތްތަކަށް ފުރިހަމަގޮތުގައި ޚިދުމަތް ދިނުމަށް ކުރަމުންދާ މަސައްކަތުގައި އެއްބާރުލުން ދިނުމަކީ ލިބޭ ވަރަށް ބޮޑު ޝަރަފެއް ކަމަށެވެ.

ޙައްޖުކޯޕަރޭޝަންގެ މެނޭޖިން ޑިރެކްޓަރ މުޙައްމަދު ޝަކީލް ވިދާޅުވީ މި ކޮންޓެކްޓް ސެންޓަރ ސޮލިއުޝަން ގެނައުމަކީ ޙައްޖުވެރިންނަށް މެދުނުކެނޑި، ހަރުދަނާ އަދި ފަސޭހަ ޚިދުމަތެއް ފޯރުކޮށްދިނުމަށް ކުރަމުންދާ މަސައްކަތަށް ލިބުނު ވަރަށް ބޮޑު ކުރިއެރުމެއް ކަމަށެވެ. އަދި މި ޙައްލަކީ ސުވާލުތަކަށް ވަގުތުން ޖަވާބު ދިނުމުގެ ޤާބިލުކަން އިތުރުކުރުމުގެ އިތުރުން، މުޖުތަމަޢަށް ފުރިހަމަކަމާއިއެކު ޚިދުމަތްކުރުމުގައި ހިއްސާވާ އަހައްމިއްޔަތުކަން ދައްކުވައިދޭ ހައްލެއްކަންވެސް ޝަކީލް ފާހަގަކުރެއްވިއެވެ.

މި ޚިދުމަތް ތަޢާރަފުކުރެވުނީ މިއަދުއެވެ. އުރީދޫއިން ބުނީ މިފަދަ ޚިދުމަތްތަކަކީ ވިޔަފާރިތަކަށް ކުރިއެރުމަށާއި އެފިޝަންސީއަށް ޓެކްނޮލޮޖީގެ ބޭނުން ހިފުމުގެ މަގު ފަހިކޮށްދިނުމުގައި އިތުބާރުކުރެވޭ ބައިވެރިއެއްގެ ހައިސިއްޔަތުން އުރީދޫގެ ދައުރު ފާހަގަކޮށް، މުސްތަގުބަލަށް ތައްޔާރުވެ ތިބުމަށް އެ ކުންފުނިން ކުރާ މަސައްކަތެއްކަމަށެވެ.
                    

މި ލިޔުން ކިޔާލުމުން

Ads by MSS