އިންސާނުންގެ ވިސްނުމާއި ފިކުރަށް ބަދަލު އައިސްގެން ނޫނީ އިންސާނީ ޙައްޤުތައް ހިމާޔަތްނުކުރެވޭނެ: ވަޒީރު ނާޒިމް

އިންސާނުންގެ ވިސްނުމާއި ފިކުރަށް ބަދަލު އައިސްގެން ނޫނީ އިންސާނީ ޙައްޤުތައް ހިމާޔަތްނުކުރެވެނެ ކަމަށް ޞިއްޙީ ވަޒީރު ޢަބްދުﷲ ނާޒިމް އިބްރާހިމް ވިދާޅުވެއްޖެއެވެ.

ވަޒީރު ނާޒިމް މިހެން ވިދާޅުވީ އިންސާނީ ހައްޤުތަކުގެ ދުވަސް ފާހަގަ ކުރުމަށް ހިއުމަންރައިޓްސް ކޮމިޝަން އޮފް މޯލްޑިވްސްއިން ބޭއްވި ރަސްމީ ޖަލްސާގައި ވާހަކަފުޅު ދައްކަވަމުންނެވެ.

ޞިއްޙީ ވަޒީރު ނާޒިމްގެ ވާހަކަފުޅުގައި ވިދާޅުވީ  އިންސާނުންގެ ވިސްނުމާއި ފިކުރަށް ބަދަލު އައިސްގެން ނޫނީ އިންސާނީ ޙައްޤުތައް ހިމާޔަތްކުރުމުގައި ހާސިލް ކުރަން ބޭނުންވާ ލަނޑުދަނޑިތައް ހާސިލް ނުކުރެވޭނެކަމަށެވެ.

މީގެއިތުރުން ވަޒީރު ނާޒިމް ވިދާޅުވީ އިންސާނީ ހައްޤުތައް ހިމާޔަތްކުރުމަކީ އިންސާނީ ޙައްޤުތަކަށް އިޚްތިރާމް ކުރުމަކީ ހަމައެކަނި ޤާނޫނު ތަންފީޒުކޮށްގެން ކުރެވޭނެ ކަމެއް ކަމަށް ދެކުނު ދެކުން މާޒީވެ ހިނގައްޖެކަމަށެވެ.

 އޭގެ ބަދަލުގައި އިންސާނީ ޙައްޤުތަކަށް އިޙުތިރާމުރުމަށް ބޭނުންވާ އެންމެ މުހިންމު އެކައްޗަކީ އިންސާނުންގެ ވިސްނުމާ ދިރިއުޅުމަށް ގެންނަ ބަދަލުކަމަށް ވަޒީރު ވިދާޅުވިއެވެ.

ވަޒީރު ނާޒިމް ވިދާޅުވީ މީހުންގެ ވިސްނުމާ ފިކުރަށް ބަދަލު އައިސްގެން މެނުވީ މިފަދަ ކަންކަމުގައި ހާސިލް ކުރަން ބޭނުންވާ ލަނޑުދަނޑިތައް ހާސިލެއް ނުކުރެވޭނެކަމަށާއި، ވަކި ވަކި ޙައްޤުތަކަށް އިޙުތިރާމްކުރާ ފަދައިން މުޅި ދައުލަތް ދައުލަތުގެ ގޮތުގައި އެ އޮތް ޙައްޤުތަކަށްވެސް އިޙުތިރާމްކޮށްގެން މެނުވީ މި ނިޒާމް ނުދެމެހެއްޓޭނެ ކަމަށެވެ.

އެހެން ކަމުން އިންސާނީ ޙައްޤުތައް ކަށަވަރުކޮށްދިނުމަށް މަސައްކަތްކުރާ ފަރާތްތަކުން މީހުންގެ ވިސްނުން ބަދަލުކުރުމަށް މަސައްކަތްކުރަން ވަޒީރު ނާޒިމް ވަނީ އިލްތިމާސްކުރައްވާފައެވެ.