ވަޒީރު ރާފިޢު، "ގުޅީ ކައުންސިލް ފުޓްސަލް ފިއެސްޓާ" ޝަރަފުވެރިކޮށްދެއްވައިފި

ޒުވާނުން ބާރުވެރިކުރުމާއި ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު، ކ. ގުޅީ ކައުންސިލުން އިންތިޒާމުކޮށްގެން ބާއްވާ "ގުޅީ ކައުންސިލް ފުޓްސަލް ފިއެސްޓާ 2026" ހުޅުވުމުގެ ރަސްމިއްޔާތު ޝަރަފުވެރިކޮށްދެއްވައިފިއެވެ.

މި ރަސްމިއްޔާތު ރޭ ބާއްވާފައިވާއިރު، އެ ރަށުގައި މި  މުބާރާތް ކުރިއަށްގެންދިއުމަށް ހަމަޖެހިފައި ވަނީ އޮކްޓޯބަރު މަހުގެ 20 އިން 28 ގެ ނިޔަލަށެވެ. 

މި މުބާރާތް ކުރިއަށް ގެންދިއުމަށް ހަމަޖެހިފައިވަނީ އަންހެން އަދި ފިރިހެން ޑިވިޝަން ހިމަނައިގެންނެވެ. އެގޮތުން، ފިރިހެން ޑިވިޝަންގައި 7 ޓީމު ވާދަކުރާއިރު، އަންހެން ޑިވިޝަންގައި 3 ޓީމަކުން ވަނީ ބައިވެރިވެފައެވެ.

މުބާރާތް ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުން ވަޒީރު ރާފިޢު ވިދާޅުވީ، ގުޅިއަކީ ކުޅިވަރު ކުޅުމަށް ޝައުޤުވެރިވާ ގިނަ އަދަދެއްގެ ޒުވާނުންނާއި ރައްޔިތުން ދިރިއުޅޭ ރަށެއް ކަމަށެވެ. އެހެންކަމުން ކުޅިވަރު ކުޅެން ބޭނުންވާ ފަރާތްތަކަށް އެ ފުރުޞަތުތައް ފަހިކޮށްދީ، ވަސީލަތްތައް ޤާއިމުކޮށްދިނުމަކީ ނުހަނު މުހިންމު ކަމެއްގެ ގޮތުގައި ދެކެވަޑައިގަންނަވާ ކަމަށެވެ.

Minister of Youth Empowerment, Sports and Fitness Abdulla Rafiu attended the opening ceremony of the 3rd Edition of the K. Gulhi Futsal Fiesta 2026 as the Chief Guest. The tournament, held from 20 to 28 October 2026, features seven men’s teams and three women’s teams, promoting community participation and encouraging greater involvement in futsal among both men and women.

— Ministry of Youth Empowerment, Sports and Fitness (@MoYSF_mv) October 20, 2026

މި ރަސްމިއްޔާތުގައި ވަޒީރު ވަނީ، ގުޅީގައި ކުރިއަށް ގެންދިއުމަށް ހަމަޖެހިފައިވާ ކުޅިވަރުގެ އެކި މަޝްރޫޢުތަކާ ގުޅޭ އެންމެ ފަހުގެ މަޢުލޫމާތުތައް ވެސް ހިއްސާކުރައްވާފައެވެ.

ރާއްޖޭގައި ކުޅިވަރުގެ ދާއިރާ ކުރިއެރުވުމަށް ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ. އެގޮތުން ރަށްރަށުގައި ޒަމާނީ ފެންވަރުގެ ކުޅިވަރު ވަސީލަތްތައް ޤާއިމުކޮށް، ޤައުމީ އަދި ބައިނަލްއަޤްވާމީ ފެންވަރުގައި ވާދަކުރެވޭނެ ހުނަރުވެރި އެތުލީޓުން ބިނާކުރުމަށް ތަމްރީނުތަކާއި އެހީތެރިކަން ދަނީ ފޯރުކޮށްދެމުންނެވެ.