Ads by Exprox

ޚަބަރު

މަސްވެރިންގެ ދަފްތަރާއި ބެހޭ ޤަވާއިދު ގެޒެޓްކޮށްފި

މަސްވެރިންގެ ދަފްތަރާއި ބެހޭ ޤަވާއިދު ގެޒެޓްކޮށްފި

ދިވެހި މަސްވެރިންތަކެއް މަސްބާނަނީ. ފޮޓޯ: އިންޓަރނެޓް

ޙަސްނާ އަޙްމަދް

ޙަސްނާ އަޙްމަދް

11 ޑިސެމްބަރު 2024، 08:07

11 ޑިސެމްބަރު 2024، 08:07

މަސްވެރިންގެ ދަފްތަރާއި ބެހޭ ޤަވާއިދު ގެޒެޓްކޮށްފިއެވެ.

މިޤަވާއިދުގެ މަޤްޞަދެއް ކަމުގައި ބުނެފައިވަނީ މަސްވެރިންނާއ،ި ފަޅުވެރިންނާއި، އޮޑިވެރިންނާއި އޮޑިދޯނިފަހަރުގެ މަޢުލޫމާތު ހިމެނޭގޮތުން އެކުލަވާލާ މިދަފުތަރު މެދުވެރިކޮށް، އެ ފަރާތްތަކަށް އިޖުތިމާޢީ ރައްކައުތެރިކަން ކަށަވަރުކޮށްދ،ީ އެ ފަރާތްތަކަކީ ދައުލަތް ދަންނަ ބަޔަކަށް ހެދުމެވެ.

މަސްވެރިންގެ ދަފްތަރުގެ ޤަވާއިދުގައި ވާގޮތުން މަސްވެރިކަމުގެ ދަފުތަރުގައި ރަޖިސްޓަރީކުރުމަށް އެދި ހުށަހަޅަންވާނީ "ކެޔޮޅު" އެޕްލިކޭޝަން މެދުވެރިކޮށެވެ. އަދިހަމަ، މަސްވެރިކަމުގެ ދަފުތަރުގައި އުޅަނދުގެ ވެރިފަރާތް ނުވަތަ އޮޕަރޭޓަރު ރަޖިސްޓަރީވުމަށްފަހު، ކޮޔޮޅާއި ބިދޭސީން ހިމެނޭގޮތަށް ފަޅުވެރިންވެސް ރަޖިސްޓަރ ވާންޖެހޭނެއެވެ. 

މިޤަވާއިދުގައި ވާގޮތުން މަސްވެރިކަމުގެ ލައިސަންސް ދޫކުރާނީ މަސްވެރިކަމުގެ ޤާނޫނުގެ އިމުގެ ތެރެއަށް ފެތޭ މަސްވެރިކަމާއި، މަސްވެރިކަމާ ގުޅުންހުރި އެންމެހައި ހަރަކާތްތަކާއި އުޅަނދުފަހަރުން ނަގަންޖެހޭ ލައިސަންސް ނެގުމަށް އެދި ހުށަހަޅަންޖެހެނީ މަސްވެރިކަމުގެ ދަފުތަރުގައި ރަޖިސްޓަރީވުމަށް ފަހުގައެވެ.މި ޤަވާއިދަށް ޢަމަލުކުރަން ފަށާ ތާރީޚުން ފެށިގެން، މަސްވެރިކަމާ ބެހޭ ވުޒާރާއިން މަސްވެރިންނަށް އަމާޒުކޮށް ދޭ ޚިދުމަތްތައް ދިނުމުގައ،ި އެ ފަރާތެއް މަސްވެރިކަމުގެ ދަފުތަރުގައި ރަޖިސްޓަރީވެފައިވާކަން ކަށަވަރުކުރަން ޖެހެއެވެ.

 މީގެއިތުރުން، މަސްވެރިކަމުގެ ދަފުތަރުގައި ރަޖިސްޓަރީ ނުކުރާ ފަރާތްތަކުން، އެ ފަރާތްތަކުން ދަފުތަރުގައި ރަޖިސްޓަރީވާ ހިސާބުން ފެށިގެން މަސްވެރިންނަށް އަމާޒުކޮށް ދޭ ޚިދުމަތްތައް އެ ފަރާތްތަކަށް ލިބޭނެކަމަށް ޤަވައިދުގައިވެއެވެ.

މި ޤަވައިދުގައި ވާގޮތުން މަސްވެރިކަމުގެ ދަފުތަރުގައި ރަޖިސްޓަރީކޮށްފައިވާ ފަރާތްތަކަށް މާލީ ޚިދުމަތްތަކާއި އިޖުތިމާޢީ ޚިދުމަތްތައް ފަސޭހަކަމާއެކު ހޯދޭނެ އިންތިޒާމުތައް މަސްވެރިކަމާ ބެހޭ ވުޒާރާއިން ހަމަޖައްސަންޖެހެއެވެ.

މަސްވެރިކަމުގެ ދަފުތަރުގައި ހިމަނާފައިވާ މަޢުލޫމާތު ބަދަލުކުރަންޖެހޭ ހާލަތުގައި ޢަމަލުކުރަންޖެހޭ ގޮތް ކަމަށް ޤަވާއިދުގައި ބުނެފައިވަނީ، މަޢުލޫމާތު ބަދަލުކުރަންޖެހޭ ދުވަހުން ފެށިގެން 7 ދުވަހުގެ ތެރޭގައި "ކެޔޮޅު" އެޕްލިކޭޝަން މެދުވެރިކޮށް، އެ މަޢުލޫމާތު އަދާހަމަކުރުމަކީ މަސްވެރި އުޅަނދުގެ ވެރިފަރާތް ނުވަތަ އޮޕަރޭޓަރުގެ ޒިންމާއެއްކަމަށެވެ.  ހަމަ އެހެންމެ އެ މަޢުލޫމާތުތައް މަސްވެރިކަމާ ބެހޭ ވުޒާރާއިންވެސް އަދާހަމަކޮށް ބަލަހައްޓަންޖެހޭ ކަމަށްވެސް ޤަވާއިދުގައި ބުނެފައިވެއެވެ. 

މަސްވެރިންގެ ދަފުތަރެއް އެކުލަވައިލާ މަސްވެރިންނަކީ ސަރުކާރުން ދަންނަ ބައެއް ކަމަށް ހެދުމަކީ ރައީސުލްޖުމްހޫރިއްޔާ ޑރ މުޙައްމަދު މުއިއްޒިގެ ރިޔާސީ ވަޢުދުފުޅެކެވެ. 

މި ލިޔުން ކިޔާލުމުން

Ads by MSS