ޚަބަރު
ގެދޮރުވެރިޔާ ސްކީމާގުޅޭ މަޢުލޫމާތަށް އަސަރެއް ނުކުރާނެ : ވުޒާރާ
ގެދޮރުވެރިކަމާއި ބިމާއި ޢުމްރާނީ ތަރައްޤީއާބެހޭ ވުޒާރާ ފޮޓޯ: އެކްސް
ގެދޮރުވެރިކަމާއި ބިމާއި އުމްރާނީ ތަރައްޤީއާ ބެހޭ ވުޒާރާ، ކޮންސްޓްރަކްޝަން މިނިސްޓްރީ އަދި އެންވަޔަރަމަންޓް މިނިސްޓްރީ ހިންގަމުން އަންނަ އިމާރާތުގައި މިއަދު ހެނދުނު އަލިފާން ރޯވެއްޖެއެވެ. މި ހާދިސާ ހިނގި ވަގުތު މޯލްޑިވްސް ނޭޝަނަލް ޑިފެންސް ފޯސްގެ ފަޔަރ އެންޑް ރެސްކިއު ޓީމުން ވަނީ އަވަސް ފިޔަވަޅުތަކެއް އަޅައި، އަލިފާން ނިއްވުމުގެ މަސައްކަތް ފަށާފައެވެ.
ހައުސިންގ މިނިސްޓްރީން މައުލޫމާތު ދެއްވި ގޮތުގައި މި ހާދިސާގައި ވުޒާރާގެ އެއްވެސް މުވައްޒަފަކަށް އަނިޔާއެއް ވެފައެއް ނުވެއެވެ. އަދި ވުޒާރާއިން ކުރިއަށް ގެންދާ ގެދޮރުވެރިޔާ ސްކީމާ ގުޅޭ ހުރިހާ މައުލޫމާތަކާއި ލިޔެކިޔުންތަކަކީ ވުޒާރާގެ ކްލައުޑް ހޯސްޓިންގގައި ޑިޖިޓަލްކޮށް ބަހައްޓާފައިވާ މައުލޫމާތު ކަމަށްވާތީ، މި ހާދިސާގެ ސަބަބުން އެ މައުލޫމާތުތަކަށް އެއްވެސް އަސަރެއް ނުކުރާނެ ކަމަށް ވުޒާރާއިން ވަނީ ޔަގީންކަން ދީފައެވެ.
މި މިނިސްޓްރީއާއި ކޮންސްޓްރަކްޝަން މިނިސްޓްރީ އަދި އެންވަޔަރަމަންޓް މިނިސްޓްރީ ހިންގަމުންއަންނަ އިމާރާތުގައި މިއަދު ހެނދުނު ރޯވެ އަނދަމުންދާ އަލިފާނުގެ ހާދިސާއާ ގުޅޭ pic.twitter.com/QsH0wYPiXz
— Ministry of Housing, Land and Urban Development (@MHLUDmv) December 12, 2024
މި ހާދިސާއާ ގުޅިގެން ސަލާމަތާއި ރައްކާތެރިކަމަށްޓަކައި ކުރެވެންހުރި ކަންކަމާ ގުޅޭ ގޮތުން ކަ ގޮތުން ކަމާގުޅޭ ފަރާތްތަކާ މަޝްވަރާ ކުރަމުންދާ ކަމަށް ވުޒާރާއިން މައުލޫމާތު ދެއްވިއެވެ. އަދި ހާދިސާ ހިނގި ސަބަބު ދެނެގަތުމަށް ތަޙުޤީޤު ކުރިއަށްދާ ކަމަށްވެސް ވުޒާރާއިން ވަނީ ހާމަކޮށްފައެވެ.
މި ހާދިސާއާ ގުޅިގެން އިތުރު މައުލޫމާތު ލިބުމުން އާންމުންނާ ހިއްސާ ކުރާނެ ކަމަށް ވުޒާރާއިން ވަނީ ބުނެފައެވެ.
