ރައީސްގެ ވަޢުދުފުޅާ އެއްގޮތަށް ބާރަށުގައި ޒަމާނީ ބަނދަރެއް ހަދަން އެމްޓީސީސީއާ ހަވާލުކޮށްފި

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހއ. ބާރަށުގެ ރައްޔިތުންނަށް ވެވަޑައިގެންނެވި ވަޢުދުފުޅާ އެއްގޮތަށް، އެ ރަށުގައި ވަޞީލަތްތައް ފުރިހަމަ ޒަމާނީ ބަނދަރެއް ތަރައްޤީކުރުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާ މިއަދު ޙަވާލުކޮށްފިއެވެ.

މި މަޝްރޫޢާ ގުޅޭ މަޢުލޫމާތު ހާމަކުރައްވައި، ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހީމް ޝުޖާޢު 'އެކްސް' ގައި ކުރެއްވި ޕޯސްޓެއްގައި ވިދާޅުވީ މިއަދަކީ ރައީސް ޑރ. މުޢިއްޒު ބާރަށުގެ ރައްޔިތުންނަށް ވެވަޑައިގެންނެވި ވަޢުދުތަކުގެ ތެރެއިން ދެ ވަޢުދެއް އެއް މަޝްރޫޢަކުން ފުއްދުމުގެ މަސައްކަތް ފެށިގެންދިޔަ ތާރީޚީ ދުވަހެއް ކަމަށެވެ. 

އެގޮތުން ރައީސްގެ ވަޢުދުފުޅަކީ ބާރަށުގައި މިހާރު އޮތް ޖެޓީގެ އާބާތުރަ ފިލުވައި، މަސްވެރިންނަށް ޚާއްޞަކޮށްގެން މަސްޖެޓީއެއް އެޅުން ކަމުގައި ވިޔަސް، ސާރވޭއިން ދެއްކި ގޮތުގައި މިހާރު ހުރި ޖެޓީގެ ތަނބުތައް ފަޅައިގެން ގޮސްފައިވުމުން އެއީ މަރާމާތު ކުރެވޭ ވަރަށް ވުރެ ބޮޑު ގެއްލުމެކެވެ. އެހެންކަމުން ރައްޔިތުންގެ އެދުމުގެ މަތިން މަޝްރޫޢު ބަދަލުކުރެވުނީ ފުރިހަމަ ބަނދަރެއް ހެދުމަށެވެ.

މިއަދަކީ ބާރަށުގެ ލޮބުވެތި ރައްޔިތުންނަށް ވަރަށް އުފާވެރި ދުވަހެއް.ރައީސް ޑރ@MMuizzu ބާރަށުގެ ލޮބުވެތި ރައްޔިތުންނަށް ވެވަޑައިގެންނެވި ވަޢުދުފުޅުތަކުގެ ތެރެއިން 2 ވަޢުދެއް އެއް މަޝްރޫޢަކުން ފުއްދުމުގެ މަސައްކަތް ފެށޭ ތާރީޚީދުވަހެވެ. މިހާރު ބާރަށުގައި އޮތް ޖެޓީގެ އާބާތުރަ ފިލުވައި ވަކިން މަސްވެރިންނަށް މަސްޖެޓީއެއް އަޅައިދެއްވުމަކީ ރައީސްގެ ވައުދެކެވެ.ނަމަވެސް މިހާރުއޮތް ޖެޓީ މަރާމާތުކުރުމަށް ހެދި ސާރވޭއިން ޖެޓީގެ ތަނބުތައް ފަޅައިގެންގޮސް ހުރުމުގެ ސަބަބުން އެއީ މަރާމާތު ކުރެވޭ ވަރަށްވުރެ ބޮޑު މަސައްކަތަކަށް ވުމާއެކު ބާރަށުގެ ލޮބުވެތި ރައްޔިތުންގެ އެދިވަޑައިގަތުމަށް އެމަސައްކަތް ބަނދަރަކަށް ބަދަލުކޮށް ބަނދަރުގައި މަސްމާރުކޭޓެއް ހިމެނޭގޮތައް ތަރައްޤީ ކޮށްދެއްވުމަށް ރައްޔިތުންގެ ފަރާތުން އެދިވަޑައިގެންނެވި ހިނދު،އެމަސައްކަތް ލަސްނުކޮށް ފައްޓަވައި މިއަދު މިއީ އެމަސައްކަތުގެ އަމަލީ މަސައްކަތް ކުރުމަށް MTCC އާއި ހަވާލު ކުރެވުނު އުފާވެރި ދުވަހެވެ. މިބަނދަރުވެގެންދާނީ ވަޞީލަތް ހަމަ ބަނދަރަކަށް.މަޝްރޫޢު ނިމޭއިރު ރައްޔިތުން އެދިވަޑައިގެންނެވި ގޮތައް (ލޭންޑިންގ ކްރާފްޓް ކައިރިކުރެވޭ ސަރަހައްދެއް،މުދާ އަރުވާ ބޭލުމަށް ޚާއްޞަ ސަރަހައްދެއް،މަސްމާރުކޭޓެއް،މަސްވެރިންގެ ޑިންގީތައް ޕާކް ކުރާނެ ސަރަހައްދެއް އަދި ރަސްމީ ފާލަމެއް )ހިމެނޭނެއެވެ.ރައްޔިތުން އެދިވަޑައި ގެންނެވިގޮތައް ބޭރުތޮށި ލާއިރު ސޭންޑްފިލްކޮށް ބޭރު ތޮށީގައި ރުއްގަސް އިންދޭނެ ޖާގަ އޮންނާނެ އެވެ.ބަނދަރާއި ބޭރުތޮށި ގުޅާލެވި،އޯވަރ ބުރިޖަކުން ބޭރުތޮއްޓަށް ސައިކަލުގައި ދެވޭނެ😊 މިމަޝްރޫޢު MTCC އާއި ހަވާލު ކުރީ 540 ދުވަހުން ނިންމުމަށެވެ.މާތްاللهގެ ތަނަވަސް ރަހުމަތާއެކު ބާރަށުގެ ލޮބުވެތި ރައްޔިތުންނަށް ބަނދަރެއްގެ ހިތްހަމަޖެހުމާއި އުފާ ރައީސް ޑރ @MMuizzu ހޯއްދަވައި ދެއްވާނެއެވެ.ދުވަހުގެ ހެޔޮއެދުމާއި ތަޚްނިޔާ ރަށުގެ ލޮބުވެތި ރައްޔިތުންނަށް އަރިސްކުރަމެވެ.އަދި ބާރަށުގެ ރައްޔިތުންގެ މިހުވަފެން ހަޤީޤތަކަށް ހެއްދެވުމަށް ރައީސް ޑރ @MMuizzu ކޮށްދެއްވާ އިޚްލާސްތެރި މަސައްކަތްޕުޅަށް ރަށުގެ ލޮބުވެތި ރައްޔިތުންނާއި އަޅުގަނޑުގެ އަމިއްލަ ނަމުގައި ލޯތްބާއެކު ޝުކުރު ދަންނަވަމެވެ. #ބާރަށުދާއިރާ #ދިވެހީންގެރާއްޖެ #Muizzu2028 27 އޮކްޓޯބަރ 2028 (އަންގާރަ)

— Ibrahim Shujau (@IbrahimShujaau) October 27, 2026

ބާރަށުގައި އަލަށް ތަރައްޤީކުރާ ބަނދަރު ވެގެންދާނީ ގިނަ ވަޞީލަތްތަކެއް އެކުލެވޭ ޒަމާނީ ބަނދަރަކަށެވެ. އެގޮތުން ރައްޔިތުން އެދުނު ގޮތަށް މި މަޝްރޫޢުގެ ދަށުން ލޭންޑިންގ ކްރާފްޓް ކައިރިކުރެވޭނެ ސަރަޙައްދަކާއި، މުދާ އަރުވާ ބޭލުމަށް ޚާއްޞަ ސަރަޙައްދެއްގެ އިތުރުން މަސްމާރުކޭޓަކާއި، މަސްވެރިންގެ ޑިންގީތައް ޕާކުކުރާނެ ސަރަޙައްދެއް އަދި ރަސްމީ ފާލަމެއް ހިމެނޭނެއެވެ. މީގެއިތުރުން ބޭރުތޮށި ލާއިރު ސޭންޑްފިލްކޮށް ރުއްގަސް އިންދޭނެ ޖާގަ ހިމަނައި، ބަނދަރާއި ބޭރުތޮށި އޯވަރ ބްރިޖަކުން ގުޅާލެވި ސައިކަލުގައި ބޭރުތޮއްޓަށް ދެވޭގޮތަށް ފަރުމާކުރުމަށް ވަނީ ހަމަޖެހިފައެވެ.

މި މަޝްރޫޢުގެ ޢަމަލީ މަސައްކަތް އެމްޓީސީސީއާ ޙަވާލުކޮށްފައިވަނީ 540 ދުވަހުގެ ތެރޭގައި ނިންމާ ގޮތަށެވެ. ބާރަށުގެ ރައްޔިތުންގެ މި ހުވަފެން ޙަޤީޤަތަކަށް ހައްދަވައިދެއްވުމަށް ރައީސުލްޖުމްހޫރިއްޔާ ކުރައްވާ އިޚްލާޞްތެރި މަސައްކަތްޕުޅަށް މެންބަރު ޝުޖާޢު ވަނީ ރައްޔިތުންނާއި އަމިއްލަ ނަންފުޅުގައި ޝުކުރު އަދާކުރައްވާފައެވެ.