އަލިފާނުގެ ހާދިސާއާ ގުޅިގެން އެންމެ ބޮޑު އިސްކަމެއް ދޭނީ އާންމު ރައްޔިތުންގެ ސަލާމަތަށް: ދިފާޢީ ވަޒީރު

މާލޭގައި ގެދޮރުވެރިކަމާއި ބެހޭ އިމާރާތުގައި މިއަދު ހެނދުނު ހިނގި އަލިފާނުގެ ހާދިސާއާ ގުޅިގެން، އެންމެ ބޮޑު އިސްކަމެއް ދެވުނީ އަލިފާންގަނޑު ނިއްވުމާއެކު އާންމު ރައްޔިތުން ސަލާމަތުގެ އައްސޭރިތަކަށް ގެންދިޔުމަށްކަމަށް ދިފާޢީ ވަޒީރު މުޙައްމަދު ޣައްސާން މައުމޫން ވިދާޅުވެއްޖެއެވެ.

ވަޒީރު ވިދާޅުވީ، އަލިފާނުގެ ހާދިސާ ހިނގައިގެން އުޅޭކަމުގެ މަޢުލޫމާތު ލިބުމާއެކު ހެނދުނު 6:30 ހާއިރުން ފެށިގެން އެމްއެންޑީއެފްގެ ފަޔަރ ޓީމުން ހަރަކާތްތެރިވާން ފެށިކަމަށެވެ. އަދި އެންމެ ފުރަތަމަ އިސްކަމެއް ދެވުނީ އެ ސަރަޙައްދުގެ ގެތަކުގައި އުޅޭ މީހުންނާއި އާންމު ރައްޔިތުން ސަލާމަތުގެ އައްސޭރިއަށް ގެންދިޔުމަށްކަމަށް ވަޒީރު ފާހަގަކުރެއްވިއެވެ.

ވައި ހުރި ގޮތަށް އަލިފާން އިތުރަށް ފެތުރިދާނެތީ އެއްވެސް ފުރާނައަކަށް ގެއްލުން ލިބުމަކީ އެދޭނެކަމެއް ނޫން. އެ މަސައްކަތް ނިމުނު އިރު އަލިފާންގަނޑު ބޮޑަށް ރޯވެފައި ހުރީ

ދިފާޢީ ވަޒީރު.

އަލިފާން ނިއްވުމަށް އެމްއެންޑީއެފްގެ ހުރިހާ އާލާތްތަކާއި އިތުރު މުވައްޒަފުން ބޭނުންކުރިކަމަށާއި، އެމްއޭސީއެލްގެ ވެހިކަލްތައްވެސް މި މަސައްކަތުގައި ބޭނުންކުރިކަމަށް ވަޒީރު ވިދާޅުވިއެވެ. މީގެ އިތުރުން، ހައުސިންގ މިނިސްޓްރީއާއި ކޮންސްޓްރަކްޝަން މިނިސްޓްރީގެ އިތުރުން ކައިރީގައި ހުރި އެހެނިހެން އިމާރާތްތަކުގައި ހުރި މުހިންމު ލިޔެކިޔުންތައް ރައްކާތެރި ހިސާބުތަކަށް ބަދަލުކުރުމުގެ މަސައްކަތް ކުރަމުންދާކަމަށްވެސް ވަޒީރު ހާމަކުރެއްވިއެވެ.

މި އިމާރާތަކީ ގެދޮރުވެރިކަމާއި ބިމާއި އުމްރާނީ ތަރައްޤީއާބެހޭ ވުޒާރާގެ އިތުރުން އިމާރާތްކުރުމާއި ބިނާވެށްޓާބެހޭ ވުޒާރާވެސް ހިންގަމުން އަންނަ އިމާރާތެކެވެ. މި ހާދިސާއާ ގުޅިގެން އިތުރު ތަޙްޤީޤުތައް ކުރިއަށްދާނެކަމަށް ބެލެވެއެވެ.