ވިޔަފާރީގެ ބޭނުމަށް ކާބޯތަކެތި އުފައްދާ ގޭގެއަށް އެމްއެފްޑީއޭއިން ޒިޔާރަތް ކުރަނީ

މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)އިން ވިޔަފާރީގެ ބޭނުމަށް ކާބޯތަކެތި އުފައްދާ ގޭގެއަށް ޒިޔާރަތް ކުރަން ނިންމާފައިވާކަމަށް އެ އޮތޯރިޓީއިން މިއަދު ހާމަކޮށްފިއެވެ. 

އެ އޮތޯރިޓީން ކޮށްފައިވާ އިޢުލާނެއްގައި ބުނީ، މި ޒިޔާރަތްތަކުގެ މައިގަނޑު މަޤްޞަދަކީ، "އަމިއްލަ ދިރިއުޅުމަށްޓަކައި ކުރާ ކާބޯތަކެތި އުފައްދާ ވިއްކުމުގެ މަސައްކަތުގައި އަމަލު ކުރަންވީ ގޮތުގެ މިންގަނޑު" އަށް ޢަމަލުކުރަމުންދާ މިންވަރު ބެލުން ކަމަށެވެ.

އެމްއެފްޑީއޭއިން ހާމަކުރި ގޮތުގައި މި އިންސްޕެކްޝަންތައް ކުރިޔަށް ދާނީ ނޮވެންބަރު މަހުގެ 5 ވަނަ ދުވަހުން ފެށިގެން 20 ވަނަ ދުވަހާ ހަމައަށެވެ. މި ޒިޔާރަތްތަކަކީ ޢާންމުންނަށް ސާފުތާހިރު އަދި ރައްކާތެރި ކާބޯތަކެތި ޔަޤީންކޮށްދިނުމަށް އެ އޮތޯރިޓީއިން ކުރިއަށްގެންދާ މަސައްކަތްތަކުގެ ތެރެއިން ހިމެނޭ ކަމެކެވެ.

"ފަރުދުން" މީޑިއާއަށް މައުލޫމާތު ދެއްވަމުން އެމްއެފްޑީއޭގެ ފަރާތުން ވިދާޅުވީ، މި އިންސްޕެކްޝަން ކުރިޔަށްދާއިރު ޒިޔާރަތްކުރާނީ ދަފްތަރުކޮށްފައިވާ ލިސްޓުން ހޮވާލެވޭ އެޑްރެސްތަކަކަށް ކަމަށެވެ. މީގެ ތެރޭގައި އަތޮޅުތެރޭގެ އެޑްރެސްތައް ވެސް ހިމެނޭނެކަމަށް ވަނީ ވިދާޅުވެފައެވެ.

https://t.co/UPdYkHN8RP

— MFDA (@MFDA_mv) October 27, 2026

މިކަމާ ގުޅޭގޮތުން އިތުރު މަޢުލޫމާތު ހޯދުމަށް ނުވަތަ ސުވާލުތަކެއް އޮތްނަމަ އެމްއެފްޑީއޭގެ ހޮޓްލައިން ނަންބަރު 7603204 އަދި 3034221 އަށް ގުޅުމަށް އެ އޮތޯރިޓީއިން ވަނީ އެދިފައެވެ.

މޯލްޑިވްސް ފުޑް އެންޑް ޑްރަގް އޮތޯރިޓީއަކީ ދިވެހިރާއްޖޭގައި ކާބޯތަކެއްޗާއި ބޭސްފަދަ ތަކެތީގެ ސަލާމަތާއި ރައްކާތެރިކަން ކަށަވަރުކުރުމަށްޓަކައި ގާނޫނީ ބާރު ލިބިފައިވާ މުއައްސަސާއެކެވެ. އެ އޮތޯރިޓީއިން މަސައްކަތްކުރަނީ ގައުމީ ސިއްޙަތުގެ މިންގަނޑުތަކާ އެއްގޮތަށް، ރައްޔިތުންނަށް ލިބޭ ކާބޯތަކެއްޗާއި ބޭސްފަރުވާއާ ގުޅުންހުރި އުފެއްދުންތަކުގެ ކޮލިޓީއާއި ސަލާމަތްތެރިކަން ކަށަވަރުކުރުމަށެވެ.