Ads by Exprox

ޚަބަރު

އަލިފާންރޯވި އިމާރާތުގެ ވުޒާރާތަކުގެ ޚިދުމަތްތައް ވަގުތީގޮތުން މެދުކަނޑާލައިފި

އަލިފާންރޯވި އިމާރާތުގެ ވުޒާރާތަކުގެ ޚިދުމަތްތައް ވަގުތީގޮތުން މެދުކަނޑާލައިފި

ގެދޮރުވެރިކަމާއި ބިމާއި ޢުމްރާނީ ތަރައްޤީއާބެހޭ ވުޒާރާގައި އަލިފާން ރޯވުން ފޮޓޯ: އެކްސް

އާމިނަތު ޔުމްނާ

އާމިނަތު ޔުމްނާ

12 ޑިސެމްބަރު 2024، 11:08

12 ޑިސެމްބަރު 2024، 11:08

މިއަދު ހެނދުނު އިމާރާތްކުރުމާއި ބިނާވެށި ޕްލޭނިންގ ވުޒާރާ، ހައުސިންގ މިނިސްޓްރީ އަދި އެންވަޔަރަންމަންޓް މިނިސްޓްރީ ހިންގަމުން އަންނަ އިމާރާތުގައި ނުރައްކާތެރި އަލިފާނުގެ ހާދިސާއެއް ހިނގައިފިއެވެ. މި ހާދިސާއާ ގުޅިގެން އިމާރާތްކުރުމާއި ބިނާވެށި ޕްލޭނިންގ ވުޒާރާއިން ނެރުނު ނޫސްބަޔާނެއްގައި ވަނީ މި ހާދިސާގައި އެއްވެސް މުވައްޒަފަކަށް ގެއްލުމެއް ލިބިފައިނުވާކަން ފާހަގަކޮށްފައެވެ.

ނަމަވެސް، މި ހާދިސާގެ ސަބަބުން އިމާރާތަށް ބޮޑެތި ގެއްލުންތަކެއް ލިބިފައިވާތީ، މިނިސްޓްރީން ދެމުންދިޔަ އާންމު ޚިދުމަތްތައް ވަގުތީގޮތުން މެދުކެނޑިފައިވާކަން ހިތާމަޔާއެކު ދަންނަވާފައިވެއެވެ. އަދި މި ޚިދުމަތްތައް އަލުން ފެށޭނެ ތާރީޚެއް ކަނޑައެޅުމަށްފަހު އެކަން މިނިސްޓްރީން އިޢުލާންކުރާނެ ކަމަށް ބަޔާނުގައި ބުނެފައިވެއެވެ.

ހާދިސާއާ ގުޅިގެން ކަމާބެހޭ އިދާރާތަކުން ދެއްވި އެހީތެރިކަމާއި އެއްބާރުލެއްވުމަށް ޝުކުރު ދަންނަވާފައިވާއިރު، ރައްޔިތުންނަށް ދިމާވެފައިވާ ދަތިތަކަށް މަޢާފަށް އެދިފައިވެއެވެ. އަދި ވީހާވެސް އަވަހަކަށް ޚިދުމަތްތައް އަލުން ފެށުމަށް މަސައްކަތްކުރާނެ ކަމުގެ ޔަޤީންކަން ވަނީ އަރުވާފައެވެ.


                    

މި ލިޔުން ކިޔާލުމުން

Ads by MSS