މާލޭގެ ތާރީޚީ ރެކޯޑުތަކާއި ގޭގޭގެ ރަޖިސްޓްރީ ގެއްލިއްޖެނަމަ ހޯދަން ދަތިވާނެ: ޑެޕިއުޓީ މޭޔަރު

މާލޭގެ އެންމެހާ ތާރީޚީ ރެކޯޑުތަކާއި ލިޔެކިޔުންތައް ގެއްލިދާނެކަމުގެ ނުރައްކާ ވަރަށް ބޮޑުކަމަށް މާލޭ ސިޓީ ކައުންސިލުގެ ޑެޕިއުޓީ މޭޔަރު އަހުމަދު ނަރީޝް ވިދާޅުވެއްޖެއެވެ.

"އެއްވެސް މީހެއްގެ އުފަންދުވަހުގެ ސެޓްފިކެޓް ގެއްލިއްޖެއްޔާ އަޅުގަނޑުމެނަށް އޭތި ރިކަވަރ ކުރެވިދާނެ ގޮތެއް ހުރެދާނެ، އެކަމު އެއްވެސް މީހެއްގެ ގޭގެ ރަޖިސްޓްރީ ގެއްލިއްޖެ ކަމަށް ވަންޔަކާ އަޅުގަނޑުމެނަށް  ކުރެވޭނެ ކަމެއް ނޯންނާނެ އެޔަކުއެއް"

މާލޭ ސިޓީ ކައުންސިލުގެ ޑެޕިއުޓީ މޭޔަރު އަހުމަދު ނަރީޝް

ލިބިފައިން ގެއްލުން އަންދާޒާކުރާކަށް އަދި ނޭގޭ ކަމަށާއި ހުރިހާ ޑޮކިއުމަންޓްތަކެއް ސަލާމަތް ކުރެވޭތޯ މަސައްކަތް ކުރަމުންދާ ކަމަށް ނަރީޝް ވިދާޅުވިއެވެ.

ޑެޕިއުޓީ މޭޔަރު ވިދާޅުވީ، މާލޭގެ ގޭގެ ރަޖިސްޓަރީތަކާއި، އުފަންދުވަހާއި މަރުވާ މީހުންގެ ރެކޯޑުތަކާއި، ޢާއިލީ ތާރީޚުތަކާއި، ތަރައްޤީގެ މަޝްރޫޢުތަކުގެ ރެކޯޑުތަކާއި، އަދި މާލޭގެ މުޅި އާކައިވްގެ ހުރިހާ ލިޔެކިޔުންތަކުގެ ބޮޑުބައެއް ގެއްލުމަކީ އެކަށީގެންވާ ކަމެއް ކަމަށެެވެ.

އަދިވެސް އަތްނުލެވޭ ހިސާބުގައި އެއްޗެހި ހުރިކަމާއި އެއެއްޗެހިވެސް ނެރުމުގެ މަސައްކަތް ކުރަމުންދާކަމަށް ނަރީޝް ވިދާޅުވިއެވެ. 

This is crazy 🤯🤯🤯😲😓😥

Deputy mayor says that there is a very real possibility that all our house registries, birth and death records, family histories, and the entire archive of Male’s past, including records of our development projects and everything tied to our history,… pic.twitter.com/zs5quXttxX

— Hathu 🇲🇻 ✈️ (@aisherth) December 12, 2024