ރައްޔިތުންގެ މަޖިލީހުގެ މިއަހަރުގެ ފަހު ދައުރު މިއަދު ނިމުމަކަށް

ރައްޔިތުންގެ މަޖިލީހުގެ މިއަހަރުގެ ފަހު ދައުރު މިއަދު ނިންމާލަން ނިންމައިފިއެވެ. މިކަން ހާމަކުރެއްވީ މިއަދުގެ ޖަލްސާ ފައްޓަވަމުން މަޖިލީހުގެ ރައީސް ޢަބްދުއްރަޙީމް ޢަބްދުﷲ އެވެ.

މަޖިލީހުގެ ރައީސް ވިދާޅުވި ގޮތުގައި މިދައުރު މިއަދު ނިންމަވާފައިވާތީ، ޖަލްސާއަށް އެޖެންޑާ ކުރެވިފައިވާ މަސައްކަތްތައް އެއްކޮށް ނިމެންދެން ޖަލްސާ ކުރިއަށްދާނެއެވެ. މިއަދުގެ ޖަލްސާގައި މަޖިލީހުގައި ނުނިމިހުރި ގިނަ މަސައްކަތްތަކެއް ވަނީ ތާވަލުކޮށްފައެވެ.

ރައްޔިތުންގެ މަޖިލީހުގެ މި ދައުރުގެ މުއްދަތު އަސްލު ހަމަވެފައިވަނީ މިދިޔަ މަހުގެ 30 ވަނަ ދުވަހުއެވެ. ނަމަވެސް ނުނިމި ހުރި މަސައްކަތްތައް ނިންމުމަށްޓަކައި، މެންބަރުންގެ ވޯޓަކާ ވޯޓަކާއެކު މި މަހުގެ 15 ވަނަ ދުވަހާ ހަމައަށް ދައުރު ދަންމާލާފައިވެއެވެ.

މިހާރު ކުރިއަށްދަނީ ރައްޔިތުންގެ މަޖިލީހުގެ މިއަހަރުގެ ތިންވަނަ ދައުރެވެ. އަދި މިއީ މިއަހަރުގެ އެންމެ ފަހު ދައުރުކަން ފާހަގަކޮށްލެވެއެވެ.

މި ދައުރު ނިމުމާއެކު، މަޖިލީހުގެ މިއަހަރުގެ މަސައްކަތްތައް ވެސް ނިމުމަކަށް އަންނާނެއެވެ. އަދި ކުރިއަށް އޮތް އަހަރުގެ ފުރަތަމަ ދައުރު ފެށުމާ ހަމައަށް މަޖިލީހުގެ މަސައްކަތްތައް މެދުކެނޑިގެންދާނެއެވެ.