ޚަބަރު
ބްރޯޑްކޮމް އަދި އިލެކްޝަންސް ކޮމިޝަނަށް މެންބަރުން އައްޔަން ކުރުމަށް މަޖިލީހަށް ނަންތައް ފޮނުވައިފި
ބްރޯޑްކާސްޓިންގ ކޮމިޝަން ފޮޓޯ:އެޑިޝަން
ބްރޯޑްކާސްޓިން ކޮމިޝަނާއި އިލެކްޝަންސް ކޮމިޝަނަށް މެންބަރުން އައްޔަން ކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ރައްޔިތުންގެ މަޖިލީހަށް ނަންތައް ފޮނުއްވައިފިއެވެ. މި ނަންތައް ފޮނުއްވާފައިވަނީ ދެ ކޮމިޝަނުގެ ބައެއް މެންބަރުންގެ ދައުރު ހަމަވުމާއި، ބައެއް މެންބަރުން މަޤާމުން ވަކިކުރުމާ ގުޅިގެންނެވެ.
ބްރޯޑްކާސްޓިން ކޮމިޝަނުގެ މެންބަރުކަމުގެ މަޤާމަށް ނަންތައް ފޮނުއްވާފައިވަނީ ކޮމިޝަންގެ ރައީސް މަރިޔަމް ވަހީދާ އާއި މެމްބަރު އަލީ ޔޫސުފްގެ ދައުރު ހަމަވާތީއެވެ. މި މަޤާމަށް ކުރިމަތިލި ފަރާތްތަކުގެ ތެރެއިން އިސްކަންދެއްވާ ތަރުތީބުން ރައީސުލްޖުމްހޫރިއްޔާ ވަނީ 12 ނަމެއް މަޖިލީހަށް ފޮނުއްވާފައެވެ.
ބްރޯޑްކާސްޓިން ކޮމިޝަނުގެ މެންބަރަކުކަމަށް ކުރިމަތިލި ފަރާތްތައް
މުޙައްމަދު ޢަބްދުﷲ
އިބްރާހިމް މުޢާޒް އަލީ
އިބްރާޙިމް އަޝްރަފް
ލެފްޓިނެންޓް ކާނަލް ރިޓަޔަރޑް، އަލްއުތާޛް ޒުބައިރު އަޙުމަދު މަނިކު
ޢަބްދުﷲ ހުމައިދު
އައިޝަތު ދިޔާނާ ޠޯހިރު
އަލްއުތާޛާ އައިމިނަތު ސަރާހަތު އިއްޒަތު
ޝިމްލާ އަހުމަދު
އިސްމާއިލް ޝަފީގު
ޝިފްޒާ މުސްތަފާ
އަލީ ނިޝާން
މުޙައްމަދު ޝަމީމް
ރައީސުލްޖުމްހޫރިއްޔާ މަޖިލީހަށް ފޮނުއްވާފައިވަނީ ދެ ނަމެކެވެ. އެއީ މުޙައްމަދު ޒާހިދު އަދި އަބްދުއްރަހުމާން ސޮލާހު ރަޝީދުގެ ނަމެވެ. މި ދެ ނަން ފޮނުއްވާފައިވަނީ އެ ކޮމިޝަނުގެ ނައިބު ރައީސް ޢަލީ ނަޝާތާއި، ކޮމިޝަންގެ މެންބަރު މުޙައްމަދު އާސިފް މަޤާމުން ވަކިކުރުމަށް ރައްޔިތުންގެ މަޖިލީހުން ފާސްކުރުމާ ގުޅިގެންނެވެ.
މިނިވަން މުއައްސަސާތަކަށް މެންބަރުން އައްޔަން ކުރާނީ އާންމުކޮށް ހުޅުވާލުމުން ކުރިމަތިލާ ފަރާތްތަކުގެ ތެރެއިން ރައީސުލްޖުމްހޫރިއްޔާ މަޖިލީހަށް ނަންތައް ފޮނުއްވެވުމުން މަޖިލީހުން އެ ނަންތައް ފާސްކުރުމުންނެވެ. މިހާރު ފޮނުވާފައިވާ ނަންތައް މަޖިލީހުން ދިރާސާކޮށް ފާސްކުރުމަށްފަހު ނިންމުމެއް ނިންމާނެ ކަމަށް ބެލެވެއެވެ.
