ޚަބަރު
މަސްވެރިންގެ ދުވަހާ ގުޅިގެން "ސީސައިޑް ސްޓޯރީސް" އާރޓް އެގްޒިބިޝަން ފަށައިފި
މަސްވެރިންގެ ސުވަހުގެ ކުރެހުމުގެ މައުރަޒުގެ ބައިވެރިއެއް މަސްވެރިކަމާއި ބެހޭ ވަޒީރާއި އެކު ފޮޓޯ: ވުޒާރާ
މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން މިއަހަރުގެ މަސްވެރިންގެ ދުވަހާ ގުޅިގެން ކުރިއަށްގެންދާ "ސީސައިޑް ސްޓޯރީސް" އާރޓް އެގްޒިބިޝަން މިއަދު ފަށައިފިއެވެ. މި އެގްޒިބިޝަން ކުރިއަށްދާނީ އަންނަ ހޮނިހިރު ދުވަހުގެ ނިޔަލަށް ދަރުބާރުގޭ ހަކުރާ މާލަމުގައެވެ.
"ސީސައިޑް ސްޓޯރީސް" އާރޓް އެގްޒިބިޝަން ރަސްމީކޮށް ހުޅުވައިދެއްވީ ދިރާގުގެ ޗީފް ކޮމާޝަލް އޮފިސަރ އަލީ ރިޔާޒެވެ. އާންމުންނަށް ހުޅުވާލައިގެން ކުރިއަށްގެންދާ މި އެގްޒިބިޝަންގައި 35 ކުރެހުމެއް ވަނީ ދައްކާލާފައެވެ.
މި އެގްޒިބިޝަންގައި ހިމެނޭ ކުރެހުންތައް ހުށަހަޅާފައިވަނީ 5 ދާއިރާއަކުންނެވެ. އެއީ ޑްރޯވިންގ، ޕެއިންޓިން، ސްކަލްޕްޗަރ، މިކްސް މީޑިއާ އަދި ޑިޖިޓަލް އާރޓްގެ ދާއިރާތަކެވެ. ކޮންމެ ދާއިރާއަކުންވެސް އެންމެ މޮޅު ކުރެހުން ހޮވާފައިވާކަމަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން ވަނީ ހާމަކޮށްފައެވެ. އެންމެ މޮޅު ކުރެހުންތައް ހޮވާފައިވަނީ މޯލްޑިވިއަން އާޓިސްޓް ކޮމިއުނިޓީގެ ޖަޖިން ޕެނަލްއަކުންނެވެ.
މި އެގްޒިބިޝަން ބޭއްވުމުގެ މައިގަނޑު މަޤްޞަދަކީ ރާއްޖޭގައި ޒަމާނުއްސުރެ ކުރަމުން އަންނަ މަސްވެރިކަމުގެ ސިނާޢަތް ކުރެހުންތަކެއްގެ ގޮތުގައި ދައްކާލުމާއި، މި ސިނާޢަތް ދިވެހިންނާ ގުޅި ލާމެހިފައިވާ މިންވަރު ހާމަކޮށްދިނުމެވެ.
އާންމުންނަށް މި އެގްޒިބިޝަނަށް ޒިޔާރަތްކުރުމުގެ ފުރުޞަތު ވަނީ ހުޅުވާލާފައެވެ. އެގްޒިބިޝަން ކުރިއަށްދާނީ މިއަދުން ފެށިގެން އަންނަ ހޮނިހިރު ދުވަހުގެ ނިޔަލަށް ދަރުބާރުގޭ ހަކުރާ މާލަމުގައެވެ.
Come experience the beauty, culture, and resilience of our fishing community through art. Bring your friends and family – it’s a celebration you don’t want to miss!
— Ministry of Fisheries and Ocean Resources (@MFORmv) December 12, 2024
📍Location: Dharubaaruge, Hakuraa Maalam
📅 Dates: 12 - 14 December 2024
🕒 Opening Hours: 10 AM - 10 PM… pic.twitter.com/ON0DsDRizF
