އިމިގްރޭޝަނުން މިއަދު ޕާސްޕޯޓުގެ ޚިދުމަތްދޭނެ ކަމަށް ވިދާޅުވެއްޖެ

މިއަދަކީ ސަރުކާރު ބަންދު ދުވަހެއް ނަމަވެސް، މާލެ ސަރަހައްދާއި އައްޑޫ ސިޓީގެ އޮފީސްތަކުން ޕާސްޕޯޓުގެ ޚިދުމަތް މިއަދު ދޭނެ ކަމަށް މޯލްޑިވްސް އިމިގްރޭޝަނުން ވިދާޅުވެއްޖެއެވެ.

މޯލްޑިވްސް އިމިގްރޭޝަނުން ވިދާޅުވީ، މާލޭގެ އިމިގްރޭޝަން އޮފީހާއި އައްޑޫ އިމިގްރޭޝަން އޮފީހުން މިއަދު ހެނދުނު 8:30 އިން ހަވީރު 17:00 އާ ހަމައަށް ޕާސްޕޯޓާ ހަވާލުވުމަށް ނަންބަރު ދޫކުރަމުންދާނެ ކަމަށެވެ. 

މީގެއިތުރުން، އިމުގާ ޕޯޓަލް މެދުވެރިކޮށް 24 ގަޑިއިރު މެދުކެނޑުމެއްނެތި ޕާސްޕޯޓަށް އެދި ހުށަހެޅުމުގެ ފުރުސަތު ހުޅުވިފައި އޮންނާނެ ކަމަށްވެސް އެ އިދާރާއިން މައުލޫމާތު ދެއްވައެވެ.

ހުޅުމާލޭ ފޭސް 1 އަދި ފޭސް 2 ގައި ހުންނަ އިމިގްރޭޝަން އޮފީސްތަކުން މިއަދު ޕާސްޕޯޓާ ހަވާލުވުމަށް ނަންބަރު ދޫކުރުމަށް ހަމަޖެހިފައިވަނީ ހެނދުނު 8:30 އިން ފެށިގެން ހަވީރު 16:00 އާ ހަމައަށެވެ.

3 ނޮވެންބަރު 2026 ވަނަ ދުވަހު މާލެ ސަަރަހައްދުގައި ހިމެނޭ އިމިގްރޭޝަން އޮފީސްތަކުންނާއި އައްޑޫ އިމިގްރޭޝަން އޮފީހުން ދިވެހި ޕާސްޕޯޓުގެ ޚިދުމަތް ދިނުމަށް ހަމަޖެހިފައިވާ ގަޑިތައް. https://t.co/kklcDqxFMg

— Maldives Immigration (@ImmigrationMV) November 2, 2026

އިމިގްރޭޝަނުން އިތުރަށް ވިދާޅުވީ، މެޑިކަލް އިމަޖެންސީ ފަދަ ކުއްލި ހާލަތްތަކުގައި ޚިދުމަތް ހޯދަން ބޭނުންވާ ފަރާތްތަކުން އެ އިދާރާގެ ހޮޓްލައިން ނަންބަރު 9555333 އަށް ގުޅުއްވައިގެން ޚިދުމަތް ކުރިއަށް ގެންދެވޭނެ ކަމަށެވެ.