އަލިފާނުގެ ހާދިސާ އާއި ގުޅިގެން 29 މީހުން ވަގުތީ ހިޔާތަކަށް ބަދަލު ކުރުމުގެ މަސައްކަތް ދަނީ ކުރެވެމުން

މިއަދު ހިނގި އަލިފާނުގެ ހާދިސާ އާއި ގުޅިގެން 29 މީހުން ވަގުތީ ހިޔާތަކަށް ބަދަލު ކުުރުމުގެ މަސައްކަތް ދަނީ ކުރެވެމުން ކަމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ)އިން ބުނެފިއެވެ. 

އެންޑީއެމްއޭ އިން ބުނެފައިވަނީ މިއަދުގެ އަލިފާނުގެ ހާދިސާއާއި ގުޅިގެން 3 އިމާރާތެއްގެ 7 ގޭބީސީއަކުން 29 މީހުން ވަގުތީ ހިޔާތަކަށް ބަދަލުކުރުމުގެ މަސައްކަތް މިވަގުތު ކުރަމުންދާ ަކަމަށެވެ.

އޭގެ ތެރޭގައި 15 ފިރިހެނުންނާއި 14 އަންހެނުން ހިމެނޭ ކަމަށާއި، އެމީހުންގެ ތެރޭގައި ޞިއްޚީ ޚާއްސަ އެހީތެރިކަން ބޭނުންވާ ފަރާތެއްވެސް ހިމެނޭ ކަމަށެވެ. އެންޑީއެމްއޭ އިން ބުނެފައިވަނީ އަލިފާނުގެ ހާދިސާގެ ސަބަބުން މީހުން ބަދަލު ކޮށްފައިވާ ގެތަކަކީ މ.ލޯކަށިގެ، މ.ކުދިމާވިލާ، މ.ލޫބިޔާ ކަމަށެވެ.

މީގެއިތުރުން އަލިފާނުގެ ހާދިސާއާއި ގުޅިގެން ފެނާއި ކަރަންޓު ކެނޑިފައިވާ ޢިމާރާތްތަކަށް ފެނާއި ކަރަންޓު އަލުން ގުޅުއިދިނުމުގެ ޚިދުމަތް ސްޓެލްކޯ އާއި އެމްޑަބްލިޔުއެސްސީ އާއި ގުޅިގެން އެންޑީއެމްއޭ އިން ކުރަމުންދާ ކަމަށެވެ. 

މިއަދުގެ އަލިފާނުގެ ހާދިސާ އާއި ގުޅިގެން ގެދޮރުވެރިކަމާ ބެހޭ ވުޒާރާއާއި ޢިމާރާތްކުރުމާ ބެހޭ ވުޒާރާއާއި ތިމާވެއްޓާއި ބެހޭ ވުޒާރާއަށް ވެސް ބޮޑެތި ގެއްލުންތަކެއް ވަނީ ލިބިފައެވެ. އަދި ޢިމާރާތައް ބޮޑެތި ގެއްލުންތަކެއް ލިބި ޢިމާރާތުގެ އެތެރޭގައި ހުރި ތަކެއްޗަށްވެސް ވަނީ ގެއްލުން ލިބިފައެވެ. ސަރުކާރުގެ އިދާރާތަކުގައި ރައްކާކޮށްފައި ހުރި ރަސްމީ ލިޔެކިޔުންތައް ވެސް މީގެ ތެރޭގައި ހިމެނެއެވެ.